ଚିତ୍ରକୋଣ୍ଡାରେ ବୁଡିଗଲା ଡଙ୍ଗା, ଜଣେ ମୃତ. ୭ ନିଖୋଜ
ଚିତ୍ରକୋଣ୍ଡାରେ ବୁଡିଗଲା ଡଙ୍ଗା, ଜଣେ ମୃତ. ୭ ନିଖୋଜ
admin
6643
ଭୁବନେଶ୍ୱର : ଚିତ୍ରକୋଣ୍ଡାରେ ଡଙ୍ଗା ବୁଡ଼ିଯିବାରୁ ଜଣଙ୍କର ମୃତୁ୍ୟ ହୋଇଥିବାବେଳେ ୭ ଜଣ ନିଖୋଜ ହୋଇଯାଇଛନ୍ତି । ଆନ୍ଧ୍ରରୁ ଫେରୁଥିବାବେଳେ ସିଲେରୁ ନଦୀରେ ଏହି ଅଘଟଣ ଘଟିଛି । ଗୁଣ୍ଡାବେଡା ପଂଚାୟତର କନ୍ଧଗୁଡ଼ାରେ ୨ଟି ଡଙ୍ଗା ବୁଡ଼ି ଯାଇଥିବାବେଳେ ଜଣେ ୩ ବର୍ଷର ଝିଅର ମୃତଦେହ ଉଦ୍ଧାର କରାଯାଇଛି । ଅପରପକ୍ଷରେ ୩ ଜଣ ପହଁରି ପହଁରି କୂଳକୁ ଆସିଥିବାବେଳେ ୭ ଜଣ ନିଖୋଜ ହୋଇଯାଇଥିବା ଜାଣିବାକୁ ମିଳିଛି ।
ମିଳିଥିବା ସୂଚନାନୁସାରେ, ମାଲକାନାଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ଗୁଣ୍ଡାୱାଡା ପଂଚାୟତର କନ୍ଧଗୁଡ଼ା ଓ ଗୁଣ୍ଠାୱାଡ଼ା ଗ୍ରାମର ୧୧ ଶ୍ରମିକ ତେଲେଙ୍ଗାନାରୁ ଫେରୁଥିଲେ । କରୋନା କଟକଣା ପାଇଁ ସେମାନେ ଦିନରେ ଫେରିପାରୁନଥିବାରୁ ଯୋଜନା କରି ରାତିରେ ଫେରୁଥିଲେ । ୧୦ ଜଣଙ୍କ ସହ ଜଣେ ୩ ବର୍ଷର ଛୋଟ ପିଲାକୁ ନେଇ ଦୁଇଟି ମାଛଧରା କାଠ ଡଙ୍ଗା ଓଡ଼ିଶା ଅଭିମୁଖେ ବାହାରିଥିଲେ । ତେବେ ପ୍ରଥମ ଡଙ୍ଗାଟି ନଦୀ ଭିତରେ ଏକ ଖୁଂଟରେ ବାଡେ଼ଇ ହୋଇଯିବାରୁ ଭାରସାମ୍ୟ ହରାଇ ଓଲଟି ପଡ଼ିଥିଲା ।
ଅପରପକ୍ଷରେ ପ୍ରଥମ ଡଙ୍ଗାରେ ଥିବା ୬ ଜଣ କିଛି ସମୟ ପହଁରି ଦ୍ୱିତୀୟ ଡଙ୍ଗାରେ ଚଢ଼ିବାକୁ ଚେଷ୍ଟା କରିଥିଲେ । କିନ୍ତୁ ଡଙ୍ଗାଟି ଛୋଟ ଥିବାବେଳେ ଅଧିକ ସଂଖ୍ୟକ ଲୋକ ହୋଇଯିବାରୁ ତାହା ବି ଭାରସାମ୍ୟ ହରାଇ ବୁଡ଼ି ଯାଇଥିଲା । ତେବେ ୩ ଜଣ ପହଁରି ପହଁରି କନ୍ଧଗୁଡ଼ା ଘାଟରେ ପହଁଚିଥିବାବେଳେ ୭ ଜଣ ନିଖୋଜ ଅଛନ୍ତି ।
