ଜମ୍ମୁ କାଶ୍ମୀର ଲୋକଙ୍କୁ ନେଇ ବିଭାଜନ ରାଜନୀତି କରୁଛି କେନ୍ଦ୍ର : ମେହବୁବା
ଜମ୍ମୁ କାଶ୍ମୀର ଲୋକଙ୍କୁ ନେଇ ବିଭାଜନ ରାଜନୀତି କରୁଛି କେନ୍ଦ୍ର : ମେହବୁବା
admin
4660
ନୂଆଦିଲ୍ଲୀ : ପିଡିପି ନେତ୍ରୀ ମେହବୁବା ମୁଫତି ପୁଣି ଥରେ କେନ୍ଦ୍ର ସରକାରଙ୍କୁ ଘେରିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଜମ୍ମୁ କାଶ୍ମୀରରେ ବିଭାଜନ ରାଜନୀତି କରାଯାଉଛି ବୋଲି ମୁଫତି ଅଭିଯୋଗ କରିଛନ୍ତି । ମୁସଲିମ ମାନଙ୍କୁ ମୁସଲିମ ବହୁଳ ସ୍ଥାନରୁ ହଟାଇବା ପାଇଁ କେନ୍ଦ୍ର ସରକାର ଯୋଜନା କରୁଛନ୍ତି ବୋଲି ମୁଫତି ଅଭିଯୋଗ କରିଛନ୍ତି ।
ବିଜେପି ପକ୍ଷରୁ ଗୁପକାର ମେଣ୍ଟକୁ ସମାଲୋଚନା କରାଯିବା ପରେ ମୁଫତି ଏହି ପ୍ରତିକ୍ରିୟା ରଖିଛନ୍ତି । ଜମ୍ମୁ କାଶ୍ମୀରର ବିକାଶ ପରିବର୍ତ୍ତେ କେବଳ ଧାରା ୩୭୦ ଏହି ମେଣ୍ଟର ଲକ୍ଷ୍ୟ ବୋଲି ବିଜେପି ପକ୍ଷରୁ କୁହାଯାଇଥିଲା । ଏହାର ପ୍ରତିବାଦରେ ମୁଫତି ଏହି ମନ୍ତବ୍ୟ ଦେଇଥିଲେ । ଦେଶବିରୋଧୀ ଶକ୍ତିମାନେ ଏହି ଗୁପକାର ମେଣ୍ଟ ସହିତ ଯୋଡି ହୋଇଛନ୍ତି । ପାକିସ୍ତାନ ଠାରୁ ମଧ୍ୟ ଏହି ଦେଶ ବିରୋଧୀ ଶକ୍ତିଙ୍କୁ ସହାୟତା ମିଳୁଛି ପୋଲି ବିଜେପି ପ୍ରବକ୍ତା ସମ୍ବିତ ପାତ୍ର ମତ ଦେଇଥିଲେ ।
ତେବେ ଏହା ସହିତ ମୁଫତି କହିଛନ୍ତି, ଜମ୍ମୁ କାଶ୍ମୀର ବାସୀଙ୍କ ସୁରକ୍ଷା ପାଇଁ ଗୁପକାର ରାଜିନାମା ସ୍ୱାକ୍ଷରିତ ହୋଇଛି । ଅଗଷ୍ଟ ୨୦୧୯ରେ କେନ୍ଦ୍ର ସରକାରଙ୍କ ପକ୍ଷରୁ କରାଯାଇଥିବା ସମ୍ବିଧାନ ବିରୋଧୀ କାର୍ଯ୍ୟ ବିରୋଧରେ ମେଣ୍ଟ ତାର ଲଢେଇ ଜାରି ରଖିବ । ଏହା ସହିତ ଧାରା ୩୭୦ ଉଚ୍ଛେଦକୁ ବିରୋଧ କରି ଗୁପକାର ମେଣ୍ଟ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛି । ଉଲ୍ଲେଖଯୋଗ୍ୟ ଯେ, ଧାରା ୩୭୦କୁ ପୁନର୍ବାର ଲାଗୁ କରିବା ପାଇଁ ୭ରୁ ଅଧିକ ସ୍ଥାନୀୟ ଦଳ ନଭେମ୍ବର ୧୩ ତାରିଖରେ ଏହି ମେଣ୍ଟ ଗଠନ କରିଥିଲେ ।
