ଦ୍ୱିତୀୟ ଟେଷ୍ଟରେ ଇଂଲଣ୍ଡ ହରାଇଲା ଭାରତ

Feb 16, 2021 - 08:26 Updated: Feb 16, 2021 - 08:26

5652

ଚେନ୍ନାଇ: ଚେନ୍ନାଇର ଚେପକ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟରେ ବଦଲା ନେଇଛି ଭାରତ । ଇଂଲଣ୍ଡକୁ ଦ୍ୱିତୀୟ ଟେଷ୍ଟରେ ଧୂଳି ଚଟାଇଛି ଟିମ ଇଣ୍ଡିଆ । ଇଂଲଣ୍ଡକୁ ୩୧୭ ରନରେ ଭାରତ ହରାଇଛି । ଦ୍ୱିତୀୟ ଇନିଂସରେ ଇଂଲଣ୍ଡ ଟିମ ୧୬୪ ରନରେ ଅଲଆଉଟ ହୋଇଯାଇଛି । ଭାରତ ୩୨୯, ୨୮୬ ଏବଂ ଇଂଲଣ୍ଡ ୧୩୪, ୧୬୪ । ଚମକ୍ରାର ବୋଲିଂ ଯୋଗୁଁ ଭାରତ ଏହି ବିଜୟର ସ୍ୱାଦ ଚାଖିପାରିଛି ।ଅକ୍ଷର ପଟେଲ ୫ଟି ୱିକେଟ ହାସଲ କରିଥିବାବେଳେ ଅଶ୍ୱିନଙ୍କୁ ୩ ଓ କୁଲଦୀପ ଯାଦବଙ୍କୁ ୨ଟି ୱିକେଟ ମିଳିଛି । ଏହି ବିଜୟ ସହ ଭାରତ ୪ ମ୍ୟାଚ ବିଶିଷ୍ଟ ସିରିଜକୁ ୧-୧ରେ ବରାବର କରିପାରିଛି । ୪ର୍ଥ ଦିନ ଖେଳ ଆରମ୍ଭରୁ ଇଂଲଣ୍ଡ ଦଳକୁ ଝଟକା ଲାଗିଥିଲା। ଦଳୀୟ ସ୍କୋର ୬୬ ଥିବାବେଳେ ଦଳକୁ ୪ର୍ଥ ଝଟକା ଲାଗିଥିଲା। ପରେ ଗୋଟିଏ ପରେ ଗୋଟିଏ ଓ୍ବିକେଟ ଯାଇଥିଲା। ଇଂଲଣ୍ଡ ଦଳ ଦ୍ବିତୀୟ ଇନିଂସରେ ୪୮୨ ରନର ଟାର୍ଗେଟକୁ ପିଛା କରି ମାତ୍ର ୧୬୪ ରନ୍‌ କରି ଅଲ ଆଉଟ୍‌ ହୋଇଯାଇଛି। ଯାହାଫଳରେ ଟିମ୍‌ ଇଣ୍ଡିଆ ୩୧୭ ରନରେ ବିଜୟୀ ହୋଇଛି। ୭ ଦିନ ତଳେ ସମାନ ପିଚରେ ଇଂଲଣ୍ଡଠୁ ହାରିଥିବା ବିରାଟ ବାହିନୀ ପ୍ରତିଶୋଧ ନେଇଛି।