ପିପିଲି ପାଇଁ ପିସିସିର ସମରସଜ୍ଜା
ପିପିଲି ପାଇଁ ପିସିସିର ସମରସଜ୍ଜା
admin
6185
ଭୁବନେଶ୍ୱର; ପିପିଲି ଉପନିର୍ବାଚନ ପାଇଁ ବିଜେଡି ଓ ବିଜେପି ଦଳୀୟ ନେତା ମାନଙ୍କୁ ନିର୍ବାଚନ ପରିଚାଳନା ସହ ସାଙ୍ଗଠନିକ କାର୍ଯ୍ୟରେ ନିୟୋଜିତ କରି ସାରିଥିବା ବେଳେ କଂଗ୍ରେସ ମଧ୍ୟ ଅଂଟା ଭିଢିଛି । ମହମ୍ମଦ ମୋକିମଙ୍କୁ ପିପିଲି ଏନ.ଏ.ସି ଦାୟିତ୍ୱ ଦିଆଯାଇଛି । ଅପରପକ୍ଷରେ ବିଭିନ୍ନ ଜୋନୱାରୀ ବା ଜିଲ୍ଲା ପରିଷଦ ଜୋନୱାରୀ ନେତାମାନଙ୍କୁ ଦାୟିତ୍ୱ ଅର୍ପଣ କରାଯାଇଛି । ଖାଲି ସେତିକି ନୁହେଁ କେଉଁ କେଉଁ ପଂଚାୟତରେ କିଏ କିଏ ରହିବେ ପିପିସି ପର୍ଯ୍ୟବେକ୍ଷକ ରହିବେ ତାହାର ମଧ୍ୟ ପିପିସି ସଭାପତି ନିରଞ୍ଜନ ପଟ୍ଟନାୟକ ତାଲିକା କରିଛନ୍ତି । ପିସିସି ସଭାପତି କଟକ ବାରବାଟି ବିଧାୟକ ମହମ୍ମଦ ମୋକିମଙ୍କୁ ପତ୍ର ମାଧ୍ୟମରେ ଅବଗତ କରାଯାଇଛନ୍ତି ଯେ, ଆପଣଙ୍କର ଦକ୍ଷତା ଓ ଅଭିଜ୍ଞତା ସହିତ ୧୭ ଗୋଟି ୱାର୍ଡରେ ୩୪ ଜଣ ଅଭିଜ୍ଞ କଂଗ୍ରେସ ନେତା ଓ ନେତ୍ରୀଙ୍କୁ ନେଇ ନିର୍ବାଚନ କାର୍ଯ୍ୟ କରିବା ନିମନ୍ତେ ପିସିସି ପକ୍ଷରୁ ଦାୟିତ୍ୱ ଅର୍ପଣ କରାଯାଇଛି । ସେହିପରି ଜୋନ୍ ୧୫ ପାଇଁ ଷ୍ଟାର ପ୍ରଚାରକ ଦାୟିତ୍ୱରେ ଡ. ରାମଚନ୍ଦ୍ର ଖୁଂଟିଆ, ଡ.ବିଶ୍ୱରଂଜନ ମହାନ୍ତି, ଡ. ସ୍ମୃତିରଂଜନ ଲେଙ୍କା ରହିଛନ୍ତି । ସେହିପରି ଜୋନ୍ ୧୬ ପାଇଁ ଶ୍ରୀ ଜୟଦେବ ଜେନା, ଶ୍ରୀ ସପ୍ତଗିରି ଉଲ୍ଲକା, ଶ୍ରୀ ଶରତ ରାଉତ ଷ୍ଟାର ପ୍ରଚାରକ ଭାବେ ଦାୟିତ୍ୱ ଅର୍ପଣ କରାଯାଇଛି । ସେହିପରି ଜୋନ୍-୧୭ ପାଇଁ ଶ୍ରୀ ତାରାପ୍ରସାଦ ବାହିନୀପତି, ଶ୍ରୀ ରାମଚନ୍ଦ୍ର ଜେନା ଓ ଶ୍ରୀ ସଂଗ୍ରାମ କେଶରୀ ଜେନା ତାରକା ପ୍ରଚାରକ ଭାବେ ଦାୟିତ୍ୱ ଦିଆଯାଇଛି । ଶ୍ରୀ ଶରତ ପଟ୍ଟନାୟକ, ଶ୍ରୀ ସତ୍ୟପ୍ରକାଶ ନାୟକ ଓ ଶ୍ରୀମତି ବନ୍ଦିତା ପରିଡାଙ୍କୁ ଜୋନ୍-୨୨ର ତାରକା ପ୍ରଚାରକ ଭାବେ ଦାୟିତ୍ୱ ଅର୍ପଣ କରାଯାଇଛି । ସେହପିରି ଜୋନ୍-୨୩ ପାଇଁ ଶ୍ରୀ ପ୍ରସାଦ ହରିଚନ୍ଦନ , ଶ୍ରୀ ସନ୍ତୋଷ ସିଂ ସାଲୁଜା ଓ ଶ୍ରୀ ଅଧିରାଜ ମୋହନ ପାଣିଗ୍ରାହିଙ୍କୁ ଷ୍ଟାର ପ୍ରଚାରକ ଦାୟିତ୍ୱ ଦିଆଯାଇଛି । ସେହିପରି ସୁଶିଲା ତିରିଆ, ଶ୍ରୀ ଗଣେଶ୍ୱର ବେହେରା ଓ ଡ. ସି.ଏସ ରଂଜନ ଇକ୍କାଙ୍କୁ ଜୋନ୍ ୨୪ ପାଇଁ ତାରକା ପ୍ରଚାରକ ଭାବେ ପିସିସି ପକ୍ଷରୁ ଦାୟିତ୍ୱ ଅର୍ପଣ ଦିଆଯାଇଛି ।
