ପୁଣି ଏକାଠି ହେବେ ଦିଶା ଓ ଆଦିତ୍ୟ
ପୁଣି ଏକାଠି ହେବେ ଦିଶା ଓ ଆଦିତ୍ୟ
admin
5291
ଚଳିତ ବର୍ଷ ଫେବୃୟାରୀ ମାସରେ ରିଲିଜ ହୋଇ୍ଥିଲା ରୋମାଣ୍ଟିକ ଆକ୍ସନ ଥି୍ରଲର ଫିଲ୍ମ ମଙ୍ଗଲ । ମୋହିତ ସୁରୀଙ୍କ ନିଦେ୍ର୍ଧଶନାରେ ପ୍ରସ୍ତୁତ ଏହି ଫିଲ୍ମରେ ପ୍ରଥମ ଥର ପାଇଁ ଅଭିନେତ୍ରୀ ଦିଶା ପଟାନି ଓ ଆଦିତ୍ୟ ରୟ କପୁରଙ୍କ ଯୋଡ଼ିକୁ ଦେଖିବାକୁ ମିଳିଥିଲା । ଉଭୟଙ୍କର କେମେଷ୍ଟି୍ରକୁ ଦର୍ଶକେ ଖୁବ ପସନ୍ଦ କରିଥିଲେ । ଫିଲ୍ମଟି ବକ୍ସ ଅଫିସରେ ଭଲ ବ୍ୟବସାୟ ମଧ୍ୟ କରିଥିଲା । ସଦ୍ୟତମ ଖବର ଅନୁସାରେ ଏହି ଚର୍ଚ୍ଚିତ ଯୋଡ଼ିଙ୍କୁ ପୁଣି ଏକାଠି ଦେଖିବାକୁ ମିଳିପାରେ ।
ଅହମ୍ମଦ ଖାନଙ୍କ ଅପକମିଙ୍ଗ ପ୍ରୋଜେକ୍ଟରେ ସେମାନେ ସ୍କି୍ରନ ସେୟାର କରିପାରନ୍ତି । ଚଳଚ୍ଚିତ୍ରର ଟାଇଟଲ ଚୂଡାନ୍ତ ହୋଇନଥିବା ବେଳେ ସମ୍ଭବତଃ ‘ଓମ’ ରଖାଯାଇପାରେ । ଏ ସମ୍ପର୍କରେ ଜଣେ ବିଶେଷ ସୂତ୍ର କହିଛନ୍ତି, ଅହମ୍ମଦ ଏନେଇ ଉଭୟ ଦିଶା ଓ ଆଦିତ୍ୟଙ୍କ ସହ କଥାବାର୍ତ୍ତା କରୁଛନ୍ତି । ସେମାନଙ୍କର ଡେଟ ମିଳିବା ପରେ ଯାଇ ଅନ୍ୟ କଳାକାରଙ୍କ ସହ ସମ୍ପର୍କ କରାଯିବ । କପିଲ ଟିନୁ ବର୍ମା ଏହାର ନିଦେ୍ର୍ଧଶନାରେ ରହିବେ । ଏହା ମଧ୍ୟ ଏକ ଆକ୍ସନ ଫିଲ୍ମ ହେବ । ସବୁକିଛି ଠିକଠାକ ରହିଲେ ଚଳିତ ବର୍ଷ ଡିସେମ୍ବର ମାସରୁ ଏହାର ସୁଟିଂ ଆରମ୍ଭ ହୋଇପାରେ । ସୂଚନା ଥାଉ କି ପୂର୍ବରୁ ତାରା ସୁତାରିଆ ଏହି ଫିଲ୍ମ କରିବେ ବୋଲି ଶୁଣାଯାଉଥିଲା । ଏପରିକି ସେ ସ୍କି୍ରପ୍ଟକୁ ପସନ୍ଦ କରିଥିବା କୁହାଯାଉଥିଲା । ତେବେ ତାଙ୍କର ଡେଟ ପାଇଁ କିଛି ସମସ୍ୟା ହେବାକୁ ସେ ଏଥିରୁ ଓହରି ଯାଇଥିବା କଥା ଜଣାପଡ଼ିଛି । ଅନ୍ୟ ପଟେ ଏହି ଫିଲ୍ମକୁ ନେଇ ଦିଶା ଖୁବ ଉତ୍ସାହିତ ଥିବା ପ୍ରକାଶ କରିଛନ୍ତି ।
