ପୁଣି ବିସ୍ଫୋରକ ରୂପ ନେଇପାରେ ଡୋକଲାମ

Dec 9, 2020 - 09:41 Updated: Dec 9, 2020 - 09:41

2990

ନୂଆଦିଲ୍ଲୀ: ଚୀନ ଏବେ ବିବାଦୀୟ ଡୋକଲାମ ଅଞ୍ଚଳରେ ପୁଣି ନିର୍ମାଣ କାର୍ଯ୍ୟ ଏବଂ ସେନା ଶିବିର ସ୍ଥାପନ ପ୍ରକି୍ରୟା ଆରମ୍ଭ କରିଦେଇଛି । ଏଲଏସିର ଖୁବ ନିକଟରେ ଚୀନ ସାମରିକ ଶିବିର ସ୍ଥାପନ କରି ଉତ୍ତେଜନା ବଢ଼ାଉଛି । ୨୦୧୭ରେ ଦୀର୍ଘ ୭୨ ଦିନ ଧରି ଡୋକଲାମକୁ ନେଇ ଭାରତ-ଚୀନ ମଧ୍ୟରେ ତୀବ୍ର ଉତ୍ତେଜନାପୂର୍ଣ୍ଣ ସ୍ଥିତି ସୃଷ୍ଟି ହୋଇଥିଲା । ଭାରତର ଜୋରଦାର କୂଟନୈତିକ ପ୍ରୟାସ ଏବଂ ସୀମାରେ ସାଲିସବିହୀନ ରଣନୀତି ପାଇଁ ଚୀନ ସେତେବେଳେ ପଛକୁ ହଟିବାକୁ ବାଧ୍ୟ ହୋଇଥିଲା । ଏବେ ଲଦାଖ ସୀମାରେ ଚୀନ ଭାରତୀୟ ଅଞ୍ଚଳକୁ ଦଖଲ କରିବା ପ୍ରୟାସରେ ଥିବା ବେଳେ ଡୋକଲାମରେ ମଧ୍ୟ ଭାରତ ଓ ଭୂଟାନର ଅଞ୍ଚଳ ଉପରେ ନଜର ପକାଇଛି । ଗତ ଏପି୍ରଲ-ମେରୁ ପୂର୍ବ ଲଦାଖରେ କେତେକ ଅଞ୍ଚଳକୁ ଚୀନ ବଳ ପୂର୍ବକ ନିଜ ଅକ୍ତିଆରକୁ ନେବା ପାଇଁ ସେନା ମୁତୟନ କରିଛି । ଏବଂ ଏହାକୁ ରୋକିବା ପାଇଁ ଭାରତ ମଧ୍ୟ ବ୍ୟାପକ ସତର୍କତା ପଦକ୍ଷେପ ଗ୍ରହଣ କରିଛି । ଏଭଳି ସ୍ଥିତିରେ ଡୋକଲାମରେ ସେନା ଶିବିର ସ୍ଥାପନ କରି ଚୀନ ଭାରତ ଉପରେ ଚାପ ବଢ଼ାଇବାକୁ ଚାହୁଁଛି ।