ଭାରତ ବନ୍ଦକୁ କଙ୍ଗନାଙ୍କ ବିରୋଧ

Dec 9, 2020 - 09:47 Updated: Dec 9, 2020 - 09:47

5916

ବିବାଦୀୟ କୁଇନ କଙ୍ଗନା ରାଣାୱତ ପୁଣି ଭାରତ ବନ୍ଦକୁ ନେଇ ଟ୍ୱିଟରେ ବୟାନବାଜି କରିଛନ୍ତି । ସେ ସଦଗୁରୁ ଜଗଗି ବାସୁଦେବଙ୍କ ଏକ ଭିଡିଓ ସେୟାର କରି ଟ୍ୱିଟ କରିଛନ୍ତି । ଭିଡିଓରେ ସଦଗୁରୁ ପ୍ରୋଟେଷ୍ଟ ପ୍ରସଙ୍ଗରେ ନିଜର ମତାମତ ଦେଇଛନ୍ତି । କଙ୍ଗନା ଏହି ଭିଡିଓ ସେୟାର କରି ଲେଖିଛନ୍ତି, ‘ଆସ ଭାରତ ବନ୍ଦ କରିଦେବା । ସେମିତିରେ ତୁଫାନର ଅଭାବ ନଥିବା ଏହି ନୌକାରେ ଆସ କୁରାଢ଼ି ଆଣି କିଛି କଣା କରିଦେବା । ରହି ରହି ଏଠାରେ ଆଶାର ସବୁ ସୂର୍ଯ୍ୟ ଅସ୍ତ ହୋଇଯାଉଛି । ଦେଶଭକ୍ତଙ୍କୁ ବି କହି ଦିଅ-ଦେଶର କିଛି କିଛି ଅଂଶ ତୁମେ ବି ମାଗିନିଅ, ଆସିଯାଅ ରାସ୍ତା ଉପରକୁ ଆଉ ତୁମେ ବି ଧାରଣା ଦିଅ’ । ଆଗରୁ ବି କୃଷକ ଆନେ୍ଦାଳନକୁ ନେଇ ଲଗାତର ବୟାନବାଜି କରୁଥିବା କଙ୍ଗନାଙ୍କୁ ଅନେକ ଲୋକ ସମାଲୋଚନା କରିଥିଲେ । ଏବେ ଭାରତ ବନ୍ଦକୁ ନେଇ ତାଙ୍କର ଏଭଳି ବୟାନକୁ ତାଙ୍କର କିଛି ପ୍ରଶଂସକ ସମର୍ଥନ ଦେଇଥିବା ବେଳେ ବହୁତ ବ୍ୟକ୍ତି ଏଭଳି ଉଦ୍ଭଟ ବିଚାରର ନିନ୍ଦା କରିଛନ୍ତି ।