ପୂର୍ବତନ ବିଧାୟକ ଦେବେନ୍ଦ୍ର କହଁର ଗିରଫ

Feb 23, 2021 - 12:09 Updated: Feb 23, 2021 - 12:09

3247

ଭୁବନେଶ୍ୱର: ଫୁଲବାଣୀର ପୂର୍ବତନ ବିଧାୟକ ଦେବେନ୍ଦ୍ର କହଁର ଗିରଫ କରାଯାଇଛି । ଜଣେ ବ୍ୟକ୍ତିଙ୍କୁ ମାଡ ମାରି ଟଙ୍କା ଲୁଟ ଅଭିଯୋଗରେ ଗିରଫ କରାଯାଇଥିବା ସୂଚନା ମିଳିିଛି । ଏହି ଘଟଣାରେ ଦେବେନ୍ଦ୍ରଙ୍କ ସହ ତାଙ୍କର ଅନ୍ୟ ଜଣେ ସହଯୋଗୀଙ୍କୁ ମଧ୍ୟ ଗିରଫ କରାଯାଇଛି । ଉଭୟଙ୍କୁ ଆଜି ଗିରଫ କରି କୋର୍ଟ ଚାଲାଣ କରିଛି ଟାଉନ ଥାନା ପୋଲିସ । ଗିରଫ ଅନ୍ୟ ସହଯୋଗୀ ଜଣଙ୍କ ଆଇଆରବିଏନର ହାବିଲଦାର ଶ୍ରୀନିବାସ କହଁର । ଗତ ୧୧ ତାରିଖରେ ଉରୁମାଗଡ ରାସ୍ତାରେ ଲୁଟ୍ କରିଥିବା ଅଭିଯୋଗ ହୋଇଛି । ଲୁଟର ଶିକାର ବ୍ୟକ୍ତି କାମାକ୍ଷୀ ବେହେରା ଢେଙ୍କାନାଳ ପର୍ଜଙ୍ଗ ଅଂଚଳର ଅଧିବାସୀ ଅଟନ୍ତି । ବନ୍ଧୁ ଘରକୁ ଯାଉଥିବାବେଳେ ରାସ୍ତାରେ ଲୁଟର ଶିକାର ହୋଇଥିଲେ । ଠିକଣା ପଚାରିବା ବେଳେ ଦେବେନ୍ଦ୍ର ମାଡ ମାରି ଲୁଟ କରିଥିବା ଅଭିଯୋଗ ହୋଇଛି ।