ପ୍ରମିଳାଙ୍କ ସମ୍ପତି ୧.୭୮ ଲକ୍ଷ ଟଙ୍କା
ପ୍ରମିଳାଙ୍କ ସମ୍ପତି ୧.୭୮ ଲକ୍ଷ ଟଙ୍କା
admin
5605
ବ୍ରହ୍ମପୁର:ଆସିକା ଲୋକସଭା ଆସନରୁ ବିଜେଡି ଏଥର ନଳବଂଟା ଚେରମାରିଆ ଗ୍ରାମର ସ୍ୱଂୟ ସହାୟିକା ଗୋଷ୍ଠୀ ସଦସ୍ୟା ପ୍ରମିଳା ବିଷୋୟୀଙ୍କୁ ପ୍ରାର୍ଥୀ କରିଛି । ହାଣ୍ଡିଶାଳରୁ ପ୍ରମିଳାଙ୍କୁ ସଂସଦ ପଠାଇବା ଲାଗି ପ୍ରାର୍ଥୀ ଚୟନ କରି ମାଷ୍ଟରଷ୍ଟ୍ରୋକ୍ ଖେଳିଛି ବିଜେଡି । ପ୍ରାର୍ଥୀ ପତ୍ର ଦାଖଲ କଲାବେଳେ ସେ ସତ୍ୟପାଠରେ ତାଙ୍କ ଅସ୍ଥାବର ସମ୍ପତିର ମୂଲ୍ୟ ୧ ଲକ୍ଷ ୭୮ ହଜାର ୭୭ ଟଙ୍କା ଦର୍ଶାଇଛନ୍ତି । ତାଙ୍କ ନାମରେ କୌଣସି ମାମଲା ନାହିଁ । ପାନ୍ କାର୍ଡ ନାହିଁ କି ସେ ଆୟକର ଦାଖଲ କରନ୍ତି ନାହିଁ । ତାଙ୍କ ହାତରେ ନଗଦ ୨୦ ହଜାର ଟଙ୍କା ଥିବା ବେଳେ ସ୍ୱାମୀଙ୍କ ପାଖରେ ୫ ହଜାର ଟଙ୍କା ଅଛି । ଆସିକା ଏସବିଆଇର ଏକ ଆକାଉଂଟରେ ୧ ହଜାର, ଏସବିଆଇରେ ଥିବା ଏକ ଯୁଗ୍ମ ଆକାଉଂଟରେ କିଛି ନାହିଁ, ଆନ୍ଧ୍ର ବ୍ୟାଙ୍କର ଏକ ଆକାଉଂଟରେ ୭୦୭୭ ଟଙ୍କା ରହିଛି । ସେହିପରି ଏସବିଆଇର ଏକ ଯୁଗ୍ମ ଆକାଉଂଟରେ ୫୯,୩୯୩ ଟଙ୍କା ଏବଂ ନଳବଂଟା ଋଷିକୁଲ୍ୟା ଗ୍ରାମ୍ୟ ବ୍ୟାଙ୍କ ଯୁଗ୍ମ ଆକାଉଂଟରେ ୧ ଲକ୍ଷ ଟଙ୍କା ରହିଛି । ଏହା ସହିତ ତାଙ୍କ ନିକଟରେ ୨୩ ଗ୍ରାମ୍ ସୁନା ଅଳଙ୍କାର ରହିଛି, ଯାହାର ମୂଲ୍ୟ ୫୦ ହଜାର ଟଙ୍କା । ସେହିପରି ତାଙ୍କ ନାମରେ ସ୍ଥାବର ସମ୍ପତି କିଛି ନାହିଁ । କିନ୍ତୁ ତାଙ୍କ ସ୍ୱାମୀଙ୍କ ନାମରେ ୩ ଲକ୍ଷ ୬୦ ଟଙ୍କା ମୂଲ୍ୟର ସ୍ଥାବର ସମ୍ପତି ଓ ୦.୭୦୦ ଡେସିମିଲ ଜମି ରହିଛି, ଯାହା ସେ ୩୪ ହଜାର ୨୯୫ ଟଙ୍କାରେ କିଣି ଥିଲେ । ତାହାର ବଜାର ଦର ୧ଲକ୍ଷ ୧୦ ହଜାର । ଚେରମାରିଆ ସ୍ଥିତ ଘର ସ୍ୱାମୀଙ୍କ ନାମରେ ଥିବାବେଳେ ଏହାର ମୂଲ୍ୟ ୨ଲକ୍ଷ ୫୦ ହଜାର ବୋଲି ସେ ସମ୍ପତି ତାଲିକାରେ ଦର୍ଶାଇଛନ୍ତି ।
