ବଲିଉଡ ଅଭିନେତା ଜଗଦୀପଙ୍କ ପରଲୋକ

Jul 9, 2020 - 07:59 Updated: Jul 9, 2020 - 07:59

3064

ମୁମ୍ବାଇ: ବର୍ଷୀୟାନ ବଲିଉଡ ଅଭିନେତା ଜଗଦୀପଙ୍କର ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ହୋଇଥିଲା । ତେବେ ତାଙ୍କର କିଭଳି ପରଲୋକ ହୋଇଛି ସେ ବାବଦରେ ସୂଚନା ମିଳିନାହିଁ । ହୃଦଘାତ ଯୋଗୁ ତାଙ୍କର ଦେହାନ୍ତ ହୋଇଥିବା ଅନୁମାନ କରାଯାଉଛି । ଜଗଦୀପଙ୍କ ପ୍ରକୃତ ନାମ ସୟଦ ଇସତିଆଜ ଅହମ୍ମଦ ଜାଫ୍ରି ଥିଲା । ବଲିଉଡ ଅଭିନେତା ଜାଭେଦ ଜାଫ୍ରି ଓ ଟିଭି ନିର୍ଦ୍ଦେଶକ ନାଭେଦ ଜାଫ୍ରିଙ୍କର ସେ ପିତା । ଅମିତାଭ ବଚ୍ଚନ ଓ ଧର୍ମେନ୍ଦ୍ରଙ୍କ ଅଭିନୀତ ‘ଶୋଲେ’ ଚଳଚ୍ଚିତ୍ରରେ ସେ ‘ସୁରମା ଭୋପାଲି’ ଭୂମିକାରେ ଅଭିନୟ କରିଥିଲେ । ଏହା ବ୍ୟତୀତ ‘ଅବ ଦିଲ୍ଲୀ ଦୂର ନହିଁ’, ମୁନ୍ନା, ଆର ପାର, ଦୋ ବିଘା ଜାମିନ ଏବଂ ‘ହମ ପଞ୍ଛି ଏକ ଡାଲ କେ’ ଭଳି ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି । ୪୦୦ ରୁ ଅଧିକ ଚଳଚ୍ଚିତ୍ରରେ ସେ କାର୍ଯ୍ୟ କରିଥିଲେ । ଜଗଦୀପଙ୍କୁ ଶେଷ ଥର ପାଇଁ ‘ଗଲି ଗଲି ଚୋର ହୈ’ ଚଳଚ୍ଚିତ୍ରରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରରେ ଅକ୍ଷୟ ଖନ୍ନା, ଶ୍ରିୟା ସରନ ଓ ମୁଗଧା ଗଡ଼ସେ ଅଭିନୟ କରିଥିଲେ । ୨୦୧୨ ଫେବୃୟାରୀରେ ଚଳଚ୍ଚିତ୍ରଟି ମୁକ୍ତିଲାଭ କରିଥିଲା ।