ବାପାକୁ ପିଟିପିଟି ମାରିଲା ସଇତାନ ପୁଅ ।
ବାପାକୁ ପିଟିପିଟି ମାରିଲା ସଇତାନ ପୁଅ ।
admin
2959
ଭୁବନେଶ୍ୱର: ହାଟକୁ ଯିବା ପାଇଁ ଟଙ୍କା ମାଗିବାରୁ ବାପାଙ୍କୁ ଠେଙ୍ଗାରେ ପିଟି ପିଟି ମାରିଦେଲା ପୁଅ । ଚନ୍ଦ୍ରଶେଖର ଥାନା ଅଧୀନ ଶୈଳଶ୍ରୀବିହାର ସାହୁ କଲୋନୀରେ ବୁଧବାର ଏଭଳି ଏକ ବର୍ବର ହତ୍ୟାକାଣ୍ଡ ଘଟିଛି । ମୃତ ବ୍ୟକ୍ତିଙ୍କ ନାଁ ବିଜୟ ସ୍ୱାଇଁ । ପଡ଼ୋଶୀଙ୍କ ଠାରୁ ଖବର ପାଇ ପୁଲିସ ବିଜୟଙ୍କ ଶବକୁ ଜବତ କରି ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଇବା ସହ ଅଭିଯୁକ୍ତ ପୁଅ କୁନା ସ୍ୱାଇଁଙ୍କୁ ଗିରଫ କରିଛି । ତାକୁ କୋର୍ଟଚାଲାଣ କରାଯିବ ବୋଲି ଜଣାଯାଇଛି । ଅପରପକ୍ଷେ ପୁଲିସ ଘଟଣା ସ୍ଥଳରୁ ରକ୍ତଲଗା ଏକ ଠେଙ୍ଗା ଜବତ କରିଛି ।
ପୁଲିସ ସୂଚନା ଅନୁଯାୟୀ, କୁନା କାମ ସାରି ସଂଧ୍ୟାରେ ଘରକୁ ଫେରିଥିଲା । ଏହି ସମୟରେ ତା ବାପା ବିଜୟ ସ୍ୱାଇଁ ହାଟକୁ ଯିବାକୁ କୁନାକୁ କିଛି ଟଙ୍କା ମାଗିଥିଲେ । ତେବେ କୁନା ସଫା ସଫା ମନା କରିଦେବାରୁ ବାପପୁଅଙ୍କ ମଧ୍ୟରେ ବଚସା ହୋଇଥିଲା । ପରେ ଏହା ଉଗ୍ରରୂପ ଧାରଣ କରିବାରୁ କୁନା ଘର ଭିତରେ ଥିବା ଠେଙ୍ଗା ଆଣି ବିଜୟଙ୍କୁ ନିର୍ଧୁମ ପିଟିଥିଲା । ସେଥିମଧ୍ୟରୁ ଗୋଟିଏ ପାହାଽ ବିଜୟଙ୍କ ମୁଣ୍ଡରେ ବାଜିବାକୁ ସେ ଟଳି ପଡ଼ିଥିଲେ ଏବଂ ଘଟଣା ସ୍ଥଳରେ ହିଁ ତାଙ୍କ ପ୍ରାଣବାୟୁ ଉଡ଼ି ଯାଇଥିଲା । ବିଜୟଙ୍କ ଚିତ୍କାର ଶୁଣି ପଡ଼ୋଶୀମାନେ ଚନ୍ଦ୍ରଶେଖରପୁର ଥାନାକୁ ଖବର ଦେଇଥିଲେ । କିନ୍ତୁ ପୁଲିସ ପହଞ୍ଚିବା ବେଳକୁ ବିଜୟଙ୍କ ମୃତ୍ୟୁ ହୋଇସାରିଥିଲା । ପୁଲିସ ବିଜୟଙ୍କ ଶବକୁ ଜବତ କରି ବ୍ୟବଚ୍ଛେଦ କରାଯିବ ବୋଲି ଜଣଯାଇଛି । ଅପରପକ୍ଷେ ପୁଲିସ ଏ ନେଇ ଏକ ହତ୍ୟା ମାମଲା ରୁଜୁ କରି କୁନାକୁ ଗିରଫ କରିବା ସହ ଅଧିକ ତଦନ୍ତ ଚଳାଇଛି ।
