ବିଜେଡିରେ ପ୍ୟାରୀଙ୍କ ଝିଅ ସିକ୍ତା
ବିଜେଡିରେ ପ୍ୟାରୀଙ୍କ ଝିଅ ସିକ୍ତା
admin
4180
ଭୁବନେଶ୍ୱର : ପୂର୍ବତନ ସାଂସଦ ସ୍ୱର୍ଗତ ପ୍ୟାରୀମୋହନ ମହାପାତ୍ରଙ୍କ ବଡ଼ ଝିଅ ସିକ୍ତା ପତି ଯୋଗ ଦେଇଛନ୍ତି ବିଜୁ ଜନତା ଦଳରେ । ସମାଜସେବୀ କରୁଥିବା ସିକ୍ତା ନିଜର ଶତାଧିକ ସମର୍ଥକଙ୍କ ସହ ଆଜି ସଂଧ୍ୟାରେ ନବୀନ ନିବାସରେ ପହଞ୍ଚିଥିଲେ । ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ଉପସ୍ଥିତିରେ ସିକ୍ତା ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଥିଲେ । ନବୀନ ତାଙ୍କୁ ଶୁଭେଚ୍ଛା ଜଣାଇବା ସହ ମିଶ୍ରଣ ପର୍ବ ଯୋଗୁଁ ବିଜେଡି ଆହୁରି ମଜବୁତ ହେବ ବୋଲି କହିଛନ୍ତି ।
ସୂଚନା ଯୋଗ୍ୟ, ଗୋଟିଏ ସମୟରେ ବିଜେଡିରେ ବେଶ ପ୍ରଭାବଶାଳୀ ଥିଲେ ପ୍ୟାରୀମୋହନ । ମାତ୍ର ୨୦୧୨ ମେ ୨୯ ରେ ମିଡ ନାଇଟ୍ ଅପରେସନ ପରେ ସେ ବିବାଦୀୟ ହୋଇ ବିଜେଡିରୁ ବହିଷ୍କୃତ ହେଲେ । ପରେ ସେ ଓଡ଼ିଶା ଜନମୋର୍ଚ୍ଚା ନାମରେ ଏକ ଦଳ ଗଠନ କରିଥିଲେ । ପ୍ୟାରୀମୋହନଙ୍କ ମୃତୁ୍ୟ ପରେ ବଡ଼ ଝିଅ ସିକ୍ତା ଓଡ଼ିଶା ଜନମୋର୍ଚ୍ଚାର ମହାସଚିବ ଦାୟିତ୍ୱ ନେଇଥିଲେ । ଏବେ ସେ ବିଜେଡିରେ ଯୋଗ ଦେବା ସହ ନବୀନଙ୍କ ନେତୃତ୍ୱରେ ସମାଜର ତଳସ୍ତରର ଲୋକଙ୍କ ପାଇଁ କାମ କରିବେ ବୋଲି କହିଛନ୍ତି । ଏହି ଅବସରରେ ମଧ୍ୟ ଭୁବନେଶ୍ୱର ବିଧାୟକ ଅନନ୍ତ ନାରାୟଣ ଜେନା ଓ ଉତ୍ତର ଭୁବନେଶ୍ୱର ବିଧାୟକ ସୁଶାନ୍ତ ରାଉତ ପ୍ରମୁଖ ଉପସ୍ଥିତ ଥିଲେ ।
