ରେଡିଓ ପାଠଶାଳା ଅବଧି ୩୦ ମିନିଟ
ରେଡିଓ ପାଠଶାଳା ଅବଧି ୩୦ ମିନିଟ
admin
4361
ଭୁବନେଶ୍ୱର: ରେଡିଓ ପାଠଶାଳା ପ୍ରତି ଛାତ୍ରଛାତ୍ରୀଙ୍କ ଆଗ୍ରହ ବଢ଼ିବାରେ ଲାଗିଛି । ତାହାକୁ ଦୃଷ୍ଟିରେ ରଖି ଗତ ମାସ ୨୮ ତାରିଖରୁ ଆରମ୍ଭ ହୋଇଥିବା ରେଡିଓ ପାଠଶାଳା କାର୍ଯ୍ୟକ୍ରମର ଅବଧିକୁ ବଢ଼ାଇ ଦିଆଯାଇଛି । ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ଲାଗି ପ୍ରସାରିତ ହୋଉଥିବା ରେଡିଓ ପାଠଶାଳା କାର୍ଯ୍ୟକ୍ରମ ପୂର୍ବାହ୍ନ ୧୦ଟାରୁ ୧୦ଟା ୧୫ ପର୍ଯ୍ୟନ୍ତ ପ୍ରସାରଣ ହେଉଥିଲା । ଏବେ ଏହି ଅବଧିକୁ ୩୦ ମିନିଟ ବୃଦ୍ଧି କରାଯାଇଛି । ଓଡ଼ିଶା ବିଦ୍ୟାଳୟ ଶିକ୍ଷା ପ୍ରାଧିକରଣ (ଓସେପା) ରାଜ୍ୟ ପ୍ରକଳ୍ପ ନିଦେ୍ର୍ଧଶକ ଭୂପେନ୍ଦ୍ର ସିଂହ ପୁନିଆ ଏ ନେଇ ସମସ୍ତ ଜିଲ୍ଲା ଶିକ୍ଷା ଅଧିକାରୀ (ଡିଇଓ) ଓ ବ୍ଲକ ଶିକ୍ଷାଅଧିକାରୀ (ବିଇଓ) ମାନଙ୍କୁ ଚିଠି ଲେଖି କହିଛନ୍ତି ଯେ ମାର୍ଚ୍ଚ ୧୭ ରୁ ବିଦ୍ୟାଳୟ ବନ୍ଦ ରହିଛି । ତେଣୁ ଛାତ୍ରଛାତ୍ରୀଙ୍କୁ ରେଡିଓରେ ପାଠ ପଢ଼ାଇବା ପାଇଁ ‘ରେଡିଓ ପାଠଶାଳା’ କାର୍ଯ୍ୟକ୍ରମ ପ୍ରସାରଣ ଚାଲିଛି । ଏଣିକି ସୋମବାରରୁ ଶୁକ୍ରବାର ପର୍ଯ୍ୟନ୍ତ ପ୍ରସାରିତ ହେଉଥିବା ରେଡିଓ ପାଠଶାଳା କାର୍ଯ୍ୟକ୍ରମ ପୂର୍ବାହ୍ନ ୧୦ଟାରୁ ୧୦ ଟା ୩୦ ମିନିଟ ପର୍ଯ୍ୟନ୍ତ ପ୍ରସାରଣ କରାଯିବ । ତାହାକୁ ଦୃଷ୍ଟିରେ ରଖି ଆସନ୍ତା ୧୯ ରୁ ୨୩ ତାରିଖ ପର୍ଯ୍ୟନ୍ତ ପ୍ରସାରଣ ହେବାକୁ ଥିବା କାର୍ଯ୍ୟକ୍ରମର ସମୟ ସାରଣୀ ପ୍ରଦାନ କରାଯାଇଛି ।
