ହାଇଦ୍ରାବାଦରେ କରୋନାରେ ଜଣେ ଓଡ଼ିଆ ଯୁବକ ମୃତ ।
ହାଇଦ୍ରାବାଦରେ କରୋନାରେ ଜଣେ ଓଡ଼ିଆ ଯୁବକ ମୃତ ।
admin
6081
ବ୍ରହ୍ମପୁର: କରୋନା ସଂକ୍ରମଣ ମଧ୍ୟରେ ହାଇଦ୍ରାବାଦର ଜଣେ ଓଡ଼ିଆ ସଫ୍ଟୱେର ଇଞ୍ଜିନିୟରଙ୍କ ମୃତ୍ୟୁ ଖବର ଆସିଛି । ବିବାହର ମାତ୍ର ୩ ମାସରେ କରୋନା ଆକ୍ରାନ୍ତରେ ସ୍ୱାମୀର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଏବେ କ୍ୱାରେଣ୍ଟାଇନରେ ରହିଛି । ଯୁବକଙ୍କ ଘର ବ୍ରହ୍ମପୁର । ପରିବାର ଲୋକ ହାଇଦ୍ରାବାଦରେ ପୁଅର ମୃତ୍ୟୁ ଖବର ପାଇ ସେଠାକୁ ଯାଇ ଶବ ସତ୍କାର ପରେ ବ୍ରହ୍ମପୁର ଫେରି କ୍ୱାରେଣ୍ଟାଇନରେ ରହିଛନ୍ତି । ମୃତକଙ୍କ ସ୍ତ୍ରୀ, ବାପା, ମାଆ ଓ ସାନ ଭାଇ ଓ ଗାଡ଼ି ଡ୍ରାଇଭର ଏବେ କ୍ୱାରେଣ୍ଟାଇନରେ ରହିଥିବା ଅଞ୍ଚଳବାସୀ ସୂଚନା ଦେଇଛନ୍ତି । କରୋନା ଏହି ପରିବାର ପାଇଁ ଦୁଃଖ ଆଣିଦେଇଛି । ସେମାନଙ୍କ ସ୍ୱାବ ପରୀକ୍ଷା କରାଯାଇଥିବା ବେଳେ ନେଗେଟିଭ ରହିଥିବା ସୂଚନା ମିଳିଛି । ସେମାନଙ୍କୁ ଏକ ଡାକବଙ୍ଗଳାରେ କ୍ୱାରେଣ୍ଟାଇନରେ ରଖାଯାଇଛି ।
ବ୍ରହ୍ମପୁରରେ ଏହି ଯୁବକ ଜଣକ ଆମେରିକାରେ ଚାକିରି କରୁଥିଲେ । ସେ ଜାନୁଆରୀ ମାସରେ ବିବାହ କରିଥିଲେ । ବିବାହ ପରେ ସେ ଓ ତାଙ୍କ ସ୍ତ୍ରୀ ହାଇଦ୍ରାବାଦରେ ଏକ ସଫ୍ଟୱୋର କମ୍ପାନୀରେ କାମ କରୁଥିଲେ । ଯୁବକ ଜଣକ କରୋନା ଆକ୍ରାନ୍ତ ହେବା ପରେ ସେ ଚିକିତ୍ସା ହେଉଥିଲେ ଏବଂ ତାଙ୍କର ହାଇଦ୍ରାବାଦରେ ରବିବାର ମୃତ୍ୟୁ ହୋଇଥିଲା । ପରିବାର ମୃତ୍ୟୁ ଖବର ପାଇ ହାଇଦ୍ରାବାଦ ଯାଇଥିଲେ ଓ ବୁଧବାର ସେଠାରୁ ବ୍ରହ୍ମପୁର ଫେରିଥିଲେ । ଅଞ୍ଚଳବାସୀଙ୍କ ଅଭିଯୋଗ ପ୍ରକାରେ ପରିବାରକୁ ବର୍ତ୍ତମାନ କ୍ୱାରେଣ୍ଟାଇନରେ ରଖାଯାଇଛି । ବିଏମସି କମିଶନରଙ୍କୁ ପଚାରିବାରେ ସେ କହିଛନ୍ତି, ଯେଉଁମାନେ ହଟସ୍ପଟରୁ ଫେରିଛନ୍ତି ସେମାନଙ୍କୁ କ୍ୱାରେଣ୍ଟାଇନରେ ରଖାଯାଉଛି । ଯେହେତୁ ସେମାନେ ହାଇଦ୍ରାବାଦର ହଟସ୍ପଟରୁ ଫେରିଛନ୍ତି ତାଙ୍କୁ କ୍ୱାରେଣ୍ଟାଇନରେ ରଖାଯାଇଛି ବୋଲି ସେ କହିଛନ୍ତି ।
