ଆଜିଠୁ ଏମ୍‌‌ବିବିଏସ୍‌‌ ଓ ବିଡିଏସ୍‌‌ ଦ୍ୱିତୀୟ ପର୍ୟ୍ୟାୟ ନାମଲେଖା ପାଇଁ ପଞ୍ଜୀକରଣ

admin admin
Aug 14, 2023 - 12:15
7319
ଆଜିଠୁ ଏମ୍‌‌ବିବିଏସ୍‌‌ ଓ ବିଡିଏସ୍‌‌ ଦ୍ୱିତୀୟ ପର୍ୟ୍ୟାୟ ନାମଲେଖା ପାଇଁ ପଞ୍ଜୀକରଣ

ଭୁବନେଶ୍ୱର: ଓଜେଇଇ ପକ୍ଷରୁ ରାଜ୍ୟର ବିଭିନ୍ନ ମେଡିକାଲ୍‌‌ କଲେଜରେ ଦ୍ୱିତୀୟ ପର୍ୟ୍ୟାୟ ନାମଲେଖା ପାଇଁ ପଞ୍ଜୀକରଣ ଆଜିଠୁ ଆରମ୍ଭ ହେବ। ୧୪ରୁ ୧୭ ତାରିଖ ମଧ୍ୟରେ ପଞ୍ଜୀକରଣ କରିବାକୁ ଥିବାବେଳେ ୧୯ତାରିଖରେ ମେଧା ତାଲିକା ପ୍ରକାଶ ପାଇବ। ଦ୍ୱିତୀୟ ପର୍ୟ୍ୟାୟ ନାମଲେଖା ପାଇଁ ୪୫୨ଟି ସିଟ୍‌‌ ବଳକା ରହିଛି। ଓଜେଇଇ ଏନେଇ ତାଲିକା ପ୍ରକାଶ କରିଥିବାବେଳେ ବଲାଙ୍ଗିର ମେଡିକାଲ୍‌‌ କଲେଜରେ ୪ଟି, ଏମ୍‌‌କେସିଜିରେ ୨୪ଟି, ବାରିପଦାରେ ୮, ଏସ୍‌‌ସିବିରେ ୮୮, କୋରାପୁଟରେ ୧୦, ବୁର୍ଲାରେ ୧୬, ପୁରୀରେ ୩, କେନ୍ଦୁଝର ୬, ସୁନ୍ଦରଗଡ଼ ୯, ଭବାନୀପାଟଣା ୪ ଓ ଏସ୍‌‌ସିବି ଡେଣ୍ଟାଲ କଲେଜରେ ୨୭ଟି ସିଟ୍‌‌ ଖାଲି ପଡ଼ିଛି। ସେହିପରି ଡ୍ରିମ୍ସରେ ୫୩ଟି, ହାଇଟେକ୍‌‌ ଏମ୍‌‌ବିବିଏସ୍‌‌ରେ ୫୨ଟି ଓ ହାଇଟେକ୍‌‌ ଡେଣ୍ଟାଲରେ ୯୭ଟି ସିଟ୍‌‌ ବଳକା ରହିଛି। ପ୍ରଥମ ପର୍ୟ୍ୟାୟରେ ନାମଲେଖା ପାଇଁ ୧୬୨୫ ଏମ୍‌‌ବିବିଏସ୍‌‌ ଓ ୧୩୧ଜଣ ବିଡିଏସ୍‌‌ ପିଲାଙ୍କୁ ଚୟନ କରାଯାଇ ଥିବାବେଳେ ୧୩୬୯ଜଣ ଛାତ୍ରଛାତ୍ରୀ ନାମ ଲେଖାଇଛନ୍ତି।