ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ରାଜ୍ୟସଭା ବନ୍ଦ
ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ରାଜ୍ୟସଭା ବନ୍ଦ
admin
4337
ନୂଆଦିଲ୍ଲୀ: ରାଜ୍ୟସଭାକୁ ସାଇନ ଡାଏ ଘୋଷଣା କରାଯାଇଛି । ଅନେକ ସାଂସଦ କରୋନାରେ ଆ୍ରକାନ୍ତ ହେବା ପରେ ରାଜ୍ୟ ସଭାକୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବନ୍ଦ ଘୋଷଣା କରାଯାଇଛି । ଏନେଇ ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଭେଙ୍କେୟା ନାଇଡୁ ସୂଚନା ଦେଇଛନ୍ତି । ମୌସୁମୀ ଅଧିଶନକୁ କାଣ୍ଟଛାଣ୍ଟ କରି ରାଜ୍ୟସଭାକୁ ସାଇନ ଡାଏ ଘୋଷଣା କରାଯାଇଛି । ବିଭିନ୍ନ ପ୍ରକାର ପ୍ରତିଷେଧମୂଳକ ପଦକ୍ଷେପ ସତ୍ତ୍ୱେ ସାଂସଦମାନେ କରୋନା ସଂକ୍ରମିତ ହେବାରୁ ଏଭଳି ନିଷ୍ପତ୍ତି ନିଆଯାଇଛି । ବିଜନେସ ଆଡଭାଇଜରି କମିଟିରେ ଆଲୋଚନା ପରେ ଏଭଳି ନିଷ୍ପତ୍ତି ନିଆଯାଇଛି । ୩ଟି ଗୁରୁତ୍ୱପୂର୍ଣ୍ଣ ବିଲ ପାରିତ ପରେ ସାଇନ ଡାଏ ଘୋଷଣା କରାଯାଇଛି ।
ପ୍ରକାଶ ଯେ, ନିକଟରେ ରାଜ୍ୟସଭାରେ ବାଚନିକ ଭୋଟରେ କୃଷି ବିଲ ପାରିତ ହୋଇଥିଲ । ଯାହାକୁ ନେଇ ବିରୋଧୀ ଦଳର ସାଂସଦମାନେ ବିରୋଧ ପ୍ରଦର୍ଶନ କରିଥିଲେ । ଏହାକୁ ନେଇ ରାଜ୍ୟସଭାର ୮ ଜଣ ସାଂସଦକୁ ନିଲମ୍ବିତ କରାଯାଇଥିଲା । ସମ୍ପୃକ୍ତ ନିଲମ୍ବିତ ସାଂସଦମାନେ ଏହାକୁ ବିରୋଧ କରି ସଂସଦ ବାହାରେ ଧାରଣା ଦେଇଥିଲେ ।
