ଅଭିଜ୍ଞତା ପାଇଁ ପନ୍ତଙ୍କୁ ପଛରେ ପକାଇଲେ କାର୍ତିକ: କୋହଲି
ଅଭିଜ୍ଞତା ପାଇଁ ପନ୍ତଙ୍କୁ ପଛରେ ପକାଇଲେ କାର୍ତିକ: କୋହଲି
admin
3517
ନୂଆଦିଲ୍ଲୀ: ବିଶ୍ୱକପ ଦଳରେ ପନ୍ତଙ୍କୁ ନେଇ ଚାଲିଥିବା ବିତର୍କ ଉପରେ ଅଧିନାୟକ ବିରାଟ କୋହଲି ପ୍ରତିକ୍ରିୟା ରଖିଛନ୍ତି । ତାଙ୍କ ବଦଳରେ ଦ୍ୱିତୀୟ ୱିକେଟରକ୍ଷକ ଭାବେ ଦୀନେଶ କାର୍ତିକଙ୍କୁ ଦଳରେ ସାମିଲ କରାଯାଇଥିବାରୁ କେହି କେହି ନାପସନ୍ଦ କରିଛନ୍ତି । ହେଲେ କାର୍ତିକଙ୍କ ଅଭିଜ୍ଞତା ଏବଂ ଚାପ ପରିସ୍ଥିତିକୁ ସମ୍ଭାଳିବାରେ ଦକ୍ଷତା ଯୋଗୁଁ ଯୁବ ତାରକା ପନ୍ତ ତ।ଙ୍କଠୁ ପଛରେ ପଡିଗଲେ ବୋଲି କୋହଲି କହିଛନ୍ତି । ପ୍ରଥମ ତଥା ନିର୍ବିବାଦୀୟ ପସନ୍ଦର ୱିକେଟରକ୍ଷକ ଭାବେ ମହେନ୍ଦ୍ର ସିଂହ ଧୋନିଙ୍କୁ ସ୍ଥାନ ମିଳିବା ପରେ ମନୋନୟନକର୍ତମାନେ ୩୩ ବର୍ଷ ବୟସ୍କ କାର୍ତିକଙ୍କୁ ଦ୍ୱିତୀୟ ପସନ୍ଦର ୱିକେଟରକ୍ଷକ ଭାବେ ବାଛିଥିଲେ । କୌଣସି ଚାପ ସମୟରେ କାର୍ତିକ ମ୍ୟାଚକୁ ସମ୍ଭାଳିନେବାର ଅଭିିଜ୍ଞତା ରଖିଛନ୍ତି । ତେଣୁ ୨୧ ବର୍ଷ ବୟସ୍କ ଅନଭିଜ୍ଞ ପନ୍ତଙ୍କ ଆଗରେ କାର୍ତିକ ରହିଲେ ବୋଲି କୋହଲି ସ୍ପଷ୍ଟ କରିଛନ୍ତି । ଏନେଇ କୌଣସି ବିତର୍କ ନହେବା ସେ କହିଛନ୍ତି । ଧୋନିଙ୍କ ପରେ ଅନ୍ୟତମ ଫିନିସର ଭାବେ କାର୍ତିକ ନିଜକୁ ପ୍ରମାଣିତ କରିସାରିଛନ୍ତି । ଅଭିଜ୍ଞତା ଦୃଷ୍ଟିକୋଣରୁ ୨୦୦୪ରେ ଦିନିକିଆ ଆନ୍ତର୍ଜାତିକ ପଦାର୍ପଣ କରିଥିବା କାର୍ତିକ ଭାରତ ପାଇଁ ୯୧ ମ୍ୟାଚ ଖେଳିସାରିଛନ୍ତିି । ତୁଳନାତ୍ମକ ଭାବେ ଗତବର୍ଷ ଅକ୍ଟୋବରରେ ପଦାର୍ପଣ କରିଥିବା ପନ୍ତ ମାତ୍ର ୫ ଦିନିକିଆ ମ୍ୟାଚ ଖେଳିଛନ୍ତି । ପୁଣି ଭାରତ ପାଇଁ ୨୬ ଟେଷ୍ଟ ଖେଳିଥିବା କାର୍ତିକ ଯେକୌଣସି କ୍ରମରେ ମଧ୍ୟ ବ୍ୟାଟିଂ କରିବାର ସାମର୍ଥ୍ୟ ରଖିଛନ୍ତି । ସେହି ଦୃଷ୍ଟିରୁ ପନ୍ତଙ୍କ ତୁଳନାରେ କାର୍ତିକ ଆଗରେ ରହିଲେ ବୋଲି କୋହଲି କହିଛନ୍ତି ।
