ଆଇପିଏଲରେ ୧୦ ବଦଳରେ ୯ ଦଳ ରହିବ: ବିସିସିଆଇ

Nov 22, 2019 - 11:18 Updated: Nov 22, 2019 - 11:18

5023

ମୁମ୍ବାଇ: ଆଗାମୀ ୨୦୨୦ ଆଇପିଏଲରେ ୧୦ ଦଳ ପରିବର୍ତ୍ତେ ୯ ଦଳ ରହିବ । ଏଭଳି ଚିନ୍ତା କରୁଛି ଭାରତୀୟ କ୍ରିକେଟ୍ ବୋର୍ଡ (ବିସିସିଆଇ) । ଫଳରେ ୨୦୨୦ ସଂସ୍କରଣ ପାଇଁ ବିସିସିଆଇ ମାତ୍ର ଗୋଟିଏ ନୂଆ ଫ୍ରାଞ୍ଚାଇଜ୍ ସାମିଲ କରିବା ସପକ୍ଷରେ ରହିଛି । ତେଣୁ ୨୦୨୨ ପର୍ଯ୍ୟନ୍ତ ଆଇପିଏଲରେ ୯ ଦଳ ରହିବା ସମ୍ଭାବନା ଦେଖାଦେଇଛି । ୨୦୦୨ ମଧ୍ୟରେ ଏଫ୍ଟିପି ଅନୁଯାୟୀ ମୋଟ ୯୦ ମ୍ୟାଚ୍ ବିଶିଷ୍ଟ ଆଇପିଏଲ୍ ଆୟୋଜନ କରିବା ପାଇଁ ସମୟର ଅଭାବ ରହିଛି । ଏଫ୍ଟିପି କେବଳ ୭୬ ମ୍ୟାଚ୍ ଆୟୋଜନ ପାଇଁ ସୁଯୋଗ ଦେଉଛି । ତେଣୁ ୧୦ ଦଳୀୟ ପ୍ରତିଯୋଗିତାକୁ ୯ ଦଳରେ ସୀମିତ ରଖିବାକୁ ଆମେ ବାଧ୍ୟ ହେବୁ ବୋଲି ବିସିସିଆଇ ଚିନ୍ତା କରିଛି । ତେବେ ୨୦୨୩ ବେଳକୁ ୧୦ ଦଳକୁ ନେଇ ଆଇପିଏଲ୍ ଆୟୋଜିତ ହୋଇପାରିବ ବୋଲି ବିସିସିଆଇ କହିଛି । ଅନ୍ୟପକ୍ଷରେ ନୂଆ ଫ୍ରାଞ୍ଚାଇଜ୍ ପାଇଁ ମୂଳ ଦଳ ୨୦୦୦ କୋଟି ଟଙ୍କା ଧାର୍ଯ୍ୟ କରିବ । ତେବେ ଏସବୁ ପ୍ରସଙ୍ଗ ଉପରେ ଡିସେମ୍ବର ୧ ତାରିଖ ଏଜିଏମ୍ରେ ଚୂଡାନ୍ତ ନିର୍ଣ୍ଣୟ ନିଆଯିବ ବୋଲି କୁହାଯାଇଛି ।