ଆଜିଠୁ ଆରମ୍ଭ ହେବ ଓଜେଇଇ କାଉନ୍ସେଲିଂ
ଆଜିଠୁ ଆରମ୍ଭ ହେବ ଓଜେଇଇ କାଉନ୍ସେଲିଂ
admin
5504
ଭୁବନେଶ୍ୱର: ରାଜ୍ୟରେ ବିଭିନ୍ନ ଇଞ୍ଜିନିୟରିଂ ଓ ବୃତ୍ତିଗତ ପାଠ୍ୟକ୍ରମରେ ନାମ ଲେଖିବା ପାଇଁ ସୋମବାରଠୁ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା ପକ୍ଷରୁ କାଉନ୍ସେଲିଂ ଆରମ୍ଭ ହେବ । ଟେକ୍ନିକାଲ୍ ଓ ବୃତ୍ତିଗତ ସ୍ନାତକୋତ୍ତର ପାଠ୍ୟକ୍ରମ ଏମ୍ବିଏ, ଏମ୍ସିଏ, ଏମ୍.ଟେକ୍, ଏମ୍.ଆର୍କ ଓ ଏମ୍.ପ୍ଲାନ୍ରେ ନାମଲେଖା ପାଇଁ କାଉନ୍ସେଲିଂ ଆରମ୍ଭ ହେବ ।
ସେହିପରି ସ୍ନାତକ ପାଠ୍ୟକ୍ରମ ବି.ଟେକ୍, ବି.ଆର୍କ, ବି.ପ୍ଲାନ୍, ବି.କ୍ୟାଟ୍, ଇଣ୍ଟିଗ୍ରେଟେଡ୍ ଏମ୍.ଏସ୍ସିରେ ନାମଲେଖା ପାଇଁ ୧୩ ତାରିଖରୁ କାଉନ୍ସେଲିଂ କରାଯିବ । ଏନେଇ ଓଜେଇଇ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି । ଜାତୀୟସ୍ତରରେ ବିଭିନ୍ନ ପ୍ରବେଶିକା ପରୀକ୍ଷାର ଫଳ ପ୍ରକାଶ ପାଇ ନ ଥିବାରୁ ଓଜେଇଇ ପକ୍ଷରୁ କାଉନ୍ସେଲିଂ ପାଇଁ ବିଳମ୍ବ କରାଯାଇଥିଲା । ବର୍ତ୍ତମାନ ବିଭିନ୍ନ ଜାତୀୟସ୍ତରୀୟ ପ୍ରବେଶିକା ପରୀକ୍ଷାର ଫଳ ପ୍ରକାଶ ସହ କାଉନ୍ସେଲିଂର ତାରିଖ ମଧ୍ୟ ପ୍ରକାଶ ପାଇଛି । ସେହି ହିସାବରେ ଓଜେଇଇ ପକ୍ଷରୁ କାଉନ୍ସେଲିଂ ସମୟ ଧାର୍ୟ୍ୟ କରାଯାଇଛି ।
