ଏକ ଓଭରରେ ୩୭ ରନ ହାସଲ କରିବାର ବିଶ୍ୱ ରେକର୍ଡ କଲେ ଜାଡେ଼ଜା
ଏକ ଓଭରରେ ୩୭ ରନ ହାସଲ କରିବାର ବିଶ୍ୱ ରେକର୍ଡ କଲେ ଜାଡେ଼ଜା
admin
3761
ମୁମ୍ବାଇ: ରବିବାର ଚଳିତ ଆଇପିଏଲରେ ଏକ କୀର୍ତ୍ତିମାନର ସମକକ୍ଷ ହୋଇଛନ୍ତି ଚେନ୍ନାଇ ସୁପର କିଙ୍ଗସ (ସିଏସକେ) ର ଅଲରାଉଣ୍ଡର ରବୀନ୍ଦ୍ର ଜାଡେ଼ଜା । ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆରସିବି) ବିପକ୍ଷରେ ଏହି ମ୍ୟାଚରେ ଜାଡେ଼ଜା ଏକ ଓଭରରେ ୩୭ ରନ ହାସଲ କରିବାର କୃତିତ୍ୱ ଅର୍ଜନ କରିଛନ୍ତି । ହର୍ଷଲ ପଟେଲ ବୋଲିଂ କରିଥିବା ସିଏସକେର ଅନ୍ତିମ ଓଭରରେ ଜାଡେ଼ଜା ୬,୬,୬, ୬, ୨, ୬ ଓ ୪ ରନ ମାରିଥିଲେ । ଓଭରର ୩ୟ ବଲ ନୋ’ବଲ ଥିବା ବେଳେ ଏଥିରେ ମଧ୍ୟ ଜାଡେ଼ଜା ଛକା ମାରିଥିଲେ । ଚଳିତ ଟୁର୍ଣ୍ଣାମେଣ୍ଟରେ ଅଦ୍ୟାବଧି ସର୍ବାଧିକ ୧୫ଟି ୱିକେଟ ନେଇଥିବା ହର୍ଷଲ ପଟେଲ ଏହି ଓଭର ପୂର୍ବରୁ ୩ ଓଭରରୁ ମାତ୍ର ୧୪ ରନ ଦେଇ ୩ ୱିକେଟ ନେଇଥିବା ବେଳେ ଅନ୍ତିମ ଓଭରରେ ୩୭ ରନ ବ୍ୟୟ କରିଥିଲେ । ତାଙ୍କର ଏହି ଇନିଂସ ବଳରେ ବାମହାତି ଜାଡେ଼ଜା ୨୮ ବଲରୁ ୫ଟି ଛକା ଓ ୪ଟା ଚୌକା ସହ ୬୨ ରନ କରି ଅପରାଜିତ ଥିଲେ ।
