ଏମଏସପି ନ ରହିଲେ ଏନଡିଏରୁ ଓହରିବାର ଧମକ ଦେଲେ ଏହି ନେତା
ଏମଏସପି ନ ରହିଲେ ଏନଡିଏରୁ ଓହରିବାର ଧମକ ଦେଲେ ଏହି ନେତା
admin
6121
ରୋହତକ : ସର୍ବନିମ୍ନ ବିକ୍ରି ଦର (ଏମଏସପି) ନ ରହିଲେ ସେ ଇସ୍ତଫା ଦେବେ ବୋଲି କହିଛନ୍ତି ହରିୟାଣା ଉପ ମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌତାଲା । ଯଦି ସରକାର ଏମଏସପି ହଟାନ୍ତି ତେବେ ସେ ପ୍ରଥମେ ଇସ୍ତଫା ଦେବେ ବୋଲି ଦୁଷ୍ୟନ୍ତ କହିଛନ୍ତି ।
ନୂତନ କୃଷି ବିଲକୁ ନେଇ ହେଉଥିବା ଚାଷୀ ଆନେ୍ଦାଳନ କାରଣରୁ କେନ୍ଦ୍ର ସରକାର ଅକଳରେ ପଡିଛନ୍ତି । ବିଲକୁ ଋଦ୍ଧ କରିବା ନେଇ ଚାଷୀ ନିଜ ଜିଦରେ ଅଡି ବସିଥିବା ବେଳେ ସରକାର ମଧ୍ୟ ନଛୋଡବନ୍ଧା ନୀତି ଆପଣେଇଛନ୍ତି । ତେବେ ଗତକାଲି କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର ଏମଏସପି ରହିବା ନେଇ ସୂଚନା ଦେଇଥିଲେ । ଏପରିକି ସରକାର ଲିଖିତ ଭାବରେ ଏହା ଦେବା ପାଇଁ ପ୍ରସ୍ତୁତ ବୋଲି ତୋମାର କହିଥିଲେ ।
ଶୁକ୍ରବାର ଦୁଷ୍ୟନ୍ତ କହିଛନ୍ତି, ଏନଡିଏର ଶୀର୍ଷସ୍ତରୀୟ ନେତୃବୃନ୍ଦ ଏମଏସପି ଜାରି ରହିବା ନେଇ ସୂଚନା ଦେଇଛନ୍ତି । ତେବେ ସରକାର ଯଦି ଏଥିରେ ବିଫଳ ହୁଅନ୍ତି ତେବେ ସେ ଇସ୍ତଫା ଦେବେ । ଦୁଷ୍ୟନ୍ତଙ୍କ ଜେଜେପି ଏବଂ ବିଜେପି ମିଳିତ ଭାବରେ ହରିୟାଣାରେ ସରକାର ଗଠନ କରିଛନ୍ତି । ତେବେ କୃଷି ବିଲକୁ ନେଇ ଏନଡିଏରୁ ପ୍ରଥମେ ଅକାଳୀ ଦଳ ଏବଂ ପରବର୍ତ୍ତୀ ସମୟରେ ଆରଏଲପି ଓହରି ଯାଇଥିଲେ ।
