ଗୁଗଲ ମ୍ୟାପର ସ୍ୱର ହେବେ ବିଗ୍ ବି ।
ଗୁଗଲ ମ୍ୟାପର ସ୍ୱର ହେବେ ବିଗ୍ ବି ।
admin
6471
ବଲିଉଡର କିମ୍ବଦନ୍ତୀ ତାରକା ଅମିତାଭ ବଚ୍ଚନ କେବଳ ବ୍ଲକ ବଷ୍ଟର ଫିଲ୍ମ ପାଇଁ ପରିଚିତି ପାଇଛନ୍ତି ତାହା ନୁହେଁ, ସ୍ୱତନ୍ତ୍ର କହିବା ଶୈଳୀ ଓ ଭାବ ଭଙ୍ଗୀ ତାଙ୍କୁ ଦେଶ ବିଦେଶରେ ପରିଚିତ କରାଇଛି । ଅଭିନୟ ସହିତ କବିତା, ଅଡିଓ ଡବିଂ ଆଦିରେ ତାଙ୍କର ଖୁବ ରୁଚି ରହିଛି । ଏକାଧିକ ଡବିଂ ଫିଲ୍ମ, ରେଡିଓ ବିଜ୍ଞାପନ, କବିତା ଆଦିରେ ସ୍ୱର ଦେବା ପରେ ଗୁଗଲ ମ୍ୟାପକୁ ନିଜର ସ୍ୱର ଉତ୍ସର୍ଗ କରିବାକୁ ଯାଉଛନ୍ତି ବିଗ୍ ବି । ଇଣ୍ଟରନେଟରେ ଏହି ଖବର ଏବେ ଚର୍ଚ୍ଚାରେ ଅଛି । ସଦ୍ୟ ରିପୋର୍ଟ ଅନୁସାରେ ଭାରତର ସମସ୍ତ ଦିଗ ନିର୍ଦ୍ଦେଶନାମା ପାଇଁ ଅମିତାଭ ନିଜର ସ୍ୱର ପ୍ରଦାନ କରିବେ । ଏ ନେଇ ଗୁଗଲ ମ୍ୟାପ ଇଣ୍ଡିଆ ପକ୍ଷରୁ ତାଙ୍କ ସହ କଥାବାର୍ତ୍ତା ଜାରି ରହିଛି । ଅମିତାଭ ଯଦି ଏହି ଦାୟିତ୍ୱ ବହନ କରନ୍ତି, ତେବେ ବର୍ତ୍ତମାନ ସ୍ଥିତିକୁ ନଜରରେ ରଖି ସୁରକ୍ଷା ଓ ସାମାଜିକ ଦୂରତ୍ୱର ସମସ୍ତ ନିୟମାବଳୀ ପାଳନ କରି ଘରେ ରହି ରେକର୍ଡିଂ କରିବେ । ତେବେ ଏ ନେଇ ଏବେ ସୁଦ୍ଧା ବିଧିବଦ୍ଧ ଘୋଷଣା କରାଯାଇନାହିଁ । ନ୍ୟୁୟର୍କ ସ୍ଥିତ ଜଣେ କଳାକାର କାରେନ ଜ୍ୟାକବସେନ୍ ଗୁଗଲ ମ୍ୟାପ୍ ଇଣ୍ଡିଆକୁ ସ୍ୱର ଦେଉଛନ୍ତି ।
