ଚକା ବଦଳାଇବା ବେଳେ ମାଡ଼ିଗଲା ଟ୍ରକ : ଡ୍ରାଇଭର, ହେଲପର ମୃତ
ଚକା ବଦଳାଇବା ବେଳେ ମାଡ଼ିଗଲା ଟ୍ରକ : ଡ୍ରାଇଭର, ହେଲପର ମୃତ
admin
3397
ଆନନ୍ଦପୁର: ଟ୍ରକର ଚକା ବଦଳାଉଥିବା ବେଳେ ମାଡ଼ିକଲା ଆଉ ଏକ ଟ୍ରକ । ଘଟଣା ସ୍ଥଳରେ ହିଁ ୨ ଜଣଙ୍କ ଜୀବନ ଚାଲିଗଲା । ରବିବାର ରାତିରେ ବୀରଗୋବିନ୍ଦପୁରଠାରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି । ମୃତକଙ୍କ ହେଉଛନ୍ତି ଆନନ୍ଦପୁର ଥାନା ଜୋକନାଳି ଗ୍ରାମର ଲିପୁନ ନାୟକ ଓ ସଞ୍ଜୀବ ଘଡାଇ । କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ବୀରଗୋବିନ୍ଦପୁର ଛକ ରାଡ଼ କଡ଼ରେ ଗାଡ଼ି ପାର୍କିଂ କରି ଚକା ବଦଳାଉଥିବା ବେଳେ ଦ୍ରୁତ ଗତିରେ ଆସୁଥିବା ଅନ୍ୟ ଏକ ଟ୍ରକ ସେମାନଙ୍କ ଉପରେ ଚଢ଼ି ଯାଇଥିଲା । ଫଳରେ ଉଭୟଙ୍କର ଘଟଣା ସ୍ଥଳରେ ମୃତୁ୍ୟ ହୋଇଛି । ମୃତକମାନେ ଗାଡ଼ିର ଡ୍ରାଇଭର ଓ ହେଲପର ବୋଲି ଜଣାପଡ଼ିଛି । ଘସିପୁର ପୁଲିସ ଦୁର୍ଘଟଣା ଘଟାଇଥିବା ଗାଡ଼ିକୁ ଜବତ କରିବା ସହିତ ଚାଳକକୁ ଅଟକ ରଖିଛି ।
