ଛବିରାଣୀର ପୋଷ୍ଟର ରିଲିଜ
ଛବିରାଣୀର ପୋଷ୍ଟର ରିଲିଜ
admin
3351
ପରଦାକୁ ଆସିବା ଆଗରୁ ସିନେପ୍ରେମୀଙ୍କ ଗହଣରେ ଚର୍ଚ୍ଚାର ଝଡ଼ ସୃଷ୍ଟି କରିଥିବା ଏବଂ ପ୍ରଥମ ଓଡ଼ିଆ ବ୍ୟବସାୟିକ ବାୟୋପିକ ସିନେମା ଭାବେ ଆସନ୍ତା ଅଗଷ୍ଟ ୧୫ ରେ ରିଲିଜ ହେବାକୁ ଯାଉଥିବା ‘ଛବିରାଣୀ’ର ପୋଷ୍ଟର ରିଲିଜ ହୋଇଛି । ପ୍ରଥମ ପର୍ଯ୍ୟାୟରେ ରିଲିଜ ହୋଇଥିବା ଚାରିଟିଯାକ ପୋଷ୍ଟର ହୋଇଛି ସମ୍ପୂର୍ଣ୍ଣ ରୂପେ ଅର୍ଥପୂର୍ଣ୍ଣ, ଯାହା ଦର୍ଶକର ଉକ୍ରଣ୍ଠାକୁ ଆହୁରି ବଢ଼ାଇ ଦେଇଛି । ଖୁବ୍ ଶୀଘ୍ର ଏହାର ଅଡ଼ିଓ ରିଲିଜ ହେବ ବୋଲି ନିର୍ଦ୍ଦେଶ ବବି ଇସଲାମ ସୂଚନା ଦେଇଛନ୍ତି । ୧୯୮୦ ମସିହାରେ ସଂଘଟିତ ବହୁ ଚର୍ଚ୍ଚିତ ଛବିରାଣୀ ହତ୍ୟାକାଣ୍ଡ ଉପରେ ଆଧାରିତ ଏହି ଫିଲ୍ମଟିକୁ ୩୯ ବର୍ଷ ତଳର ଘଟଣାବଳୀ ସହ ଖାପ ଖୁଆଇ ଅତି ସତର୍କତାର ସହ ନିର୍ମାଣ କରାଯାଇଥିଲା ବେଳେ ଗ୍ରାମାଞ୍ଚଳର ଖଳାବାଡ଼ି ଓ ଟ୍ରାକ୍ଟରର ପରିବେଶ ମଧ୍ୟରେ ବି ଏକ ଚମକ୍ରାର ଆଇଟମ୍ ଗୀତର ଦୃଶ୍ୟ ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଇବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଦର୍ଶାଯାଉଛି । ସେ ବେଳର କଲେଜକାଳୀନ ପ୍ରଣୟ ନଈବାଲିରେ ଯୁଗଳ ସଂଗୀତ, ଆତଙ୍କରାଜ, କାଠ ମାଫିଆଙ୍କ ସହ ପୁଲିସର ସଂଘର୍ଷ ନିର୍ଭୀକ ସାମ୍ବାଦିକତା ଓ ନ୍ୟାୟ ପାଇଁ ଲଢ଼େଇ ସାଙ୍ଗକୁ ଗୋଟିକ ପରେ ଗୋଟିଏ ଆଲୋଡ଼ନ ସୃଷ୍ଟିକାରୀ ମୋଡ଼ ସିନେମାଟିର ଆରମ୍ଭରୁ ଶେଷ ପର୍ଯ୍ୟନ୍ତ ଖୁନ୍ଦି ହୋଇ ରହିଥିଲା ବେଳେ ଦର୍ଶକ ମହଲରେ ଏହା ଭିନ୍ନ ସ୍ୱାଦର ବାର୍ତ୍ତାବହନ କରିବ ବୋଲି ଚର୍ଚ୍ଚା ହେଉଛି ।
