ଜଗନଙ୍କ ଦଳ ପୋଛି ନେଲା ଆନ୍ଧ୍ର ପୌର ନିର୍ବାଚନ

Mar 15, 2021 - 10:02 Updated: Mar 15, 2021 - 10:02

3928

ଅମରାବତୀ: ମୁଖ୍ୟ ମନ୍ତ୍ରୀ ୱାଇ ଏସ ଜଗତ ମୋହନ ରେଡିଙ୍କ ୱାଇଏସଆର କଂଗ୍ରେସ ଦଳ ଆନ୍ଧ୍ରପ୍ରଦେଶ ପୌର ନିର୍ବାଚନକୁ ସମ୍ପୂର୍ଣ୍ଣ ଭାବେ ନିଜ ଦଖଲକୁ ନେଇଛି । ରାଜ୍ୟ ମୋଟ ୭୫ଟି ପୌରପାଳିକା ମଧ୍ୟରୁ ୭୪ଟିରେ ୱାଇଏସଆର କଂଗ୍ରେସ ବିଜୟ ଲାଭ କରିଥିବା ବେଳେ ସାମ୍ପ୍ରତିକ ଫଳାଫଳରୁ ୧୨ଟି ଯାକ ପୌର ନିଗମ ମଧ୍ୟ ୱାଇଏସଆର କଂଗ୍ରେସ ହାତକୁ ଯିବ ବୋଲି ଅନୁମାନ କରାଯାଉଛି । ଜଗନ ଶାସନ ଭାର ସମ୍ଭାଳିବାର ଦୁଇ ବର୍ଷ ପରେ ଅନୁଷ୍ଠିତ ଏହି ନିର୍ବାଚନରେ କୋଭିଡ ମହାମାରୀ ସତ୍ତ୍ୱେ ତାଙ୍କ ସରକାରର ବିଭିନ୍ନ ଜନମଙ୍ଗଳ ଯୋଜନା ପାଇଁ ଏପରି ପୌର ନିର୍ବାଚନ ସଫଳତା ମିଳିଥିବା ଶାସକ ଦଳ ପକ୍ଷରୁ କୁହାଯାଇଛି ।