ତିନିହଜାର ଟଙ୍କା ପାଇଁ ଗୋଷ୍ଠୀ ସଂଘର୍ଷ : ଗୁଳି ବିନିମୟ ସହ ପଥର ମାଡ, ବାରରୁ ଉର୍ଦ୍ଧ୍ବ ଆହତ
ତିନିହଜାର ଟଙ୍କା ପାଇଁ ଗୋଷ୍ଠୀ ସଂଘର୍ଷ : ଗୁଳି ବିନିମୟ ସହ ପଥର ମାଡ, ବାରରୁ ଉର୍ଦ୍ଧ୍ବ ଆହତ
admin
5351
ବାଗପତ : ଉତ୍ତରପ୍ରଦେଶର ବାଗପତ ଜନପଦଠାରେ ମାତ୍ର ତିନି ହଜାର ଟଙ୍କା ପାଇଁ ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ ହୋଇଛି । ଟଙ୍କା ନେଣଦେଣକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି । ଏହାକୁ ନେଇ ଦୁଇ ଗୋଷ୍ଠୀଙ୍କ ମଧ୍ୟରେ ଗୁଳି ବିନିମୟ ହେବା ସହିତ ପଥର ମାଡ ମଧ୍ୟ ହୋଇଛି । ଏହି ଘଟଣାରେ ଡର୍ଜନରୁ ଅଧିକ ଲୋକେ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଘଟଣାସ୍ଥଳରେ ବହୁ ସଂଖ୍ୟାରେ ପେପୋଲିସ୍ ପହଞ୍ଚି ସ୍ଥିତି ନିୟନ୍ତ୍ରଣକୁ ଆଣିଛନ୍ତି । ଏହି ଘଟଣାରେ ପୋଲିସ୍ ୭ଜଣଙ୍କୁ ଗିରଫ ମଧ୍ୟ କରିଛି । ମିଳିଥିବା ସୂଚନା ଅନୁସାରେ ବାଗପତ ସହରର କୋତଓ୍ବାଲୀ ଅଞ୍ଚଳରେ ଏହି ଘଟଣା ଘଟିଛି । ଏଠାରେ ଗୋଟିଏ ପକ୍ଷର ଗାଈ କିଣିବାରେ ୩ହଜାର ୪୦ ଟଙ୍କା ବାକି ରହିଥିଲା । ଏହାକୁ ନେଇ ଦୁଇ ଗୋଷ୍ଠୀଙ୍କ ମଧ୍ୟରେ କଥା କଟାକଟି ହୋଇଥିଲା । ଦେଖୁ ଦେଖୁ ପରିସ୍ଥିତି ଏପରି ହୋଇଗଲା ଯେ ଗୁଳି ଓ ପଥର ମାଡ ଆରମ୍ଭ ହୋଇଥିଲା । ଘରର ଛାତରୁ ପଥର ମାଡ ହୋଇଥିବାର ମଧ୍ୟ ସୂଚନା ରହିଛି । ପୋଲିସ୍ ଘଟଣାର ତଦନ୍ତ କରିବା ସହିତ ଅଞ୍ଚଳର ସିସିଟିଭ୍ ଫୁଟେଜ୍ ଚେକ୍ କରି ଅନୁସନ୍ଧାନ ଜାରି ରଖିଛି।
