ଦୁଇ ଦିନ ପରେ ବାହାଘର, ଘରୁ ମିଳିଲା ଝିଅ ସହ ଜଣେ ଯୁବକଙ୍କ ରକ୍ତାକ୍ତ ମୃତଦେହ
ଦୁଇ ଦିନ ପରେ ବାହାଘର, ଘରୁ ମିଳିଲା ଝିଅ ସହ ଜଣେ ଯୁବକଙ୍କ ରକ୍ତାକ୍ତ ମୃତଦେହ
admin
3673
ଗୋଷାଣି: ଦୁଇ ଦିନ ପରେ ହୋଇଥାନ୍ତା ଝିଅର ବାହାଘର । ହେଲେ ସନ୍ଧ୍ୟାରେ ଘଟିଛି ଅଭାବନୀୟ କାଣ୍ଡ । ଉକ୍ତ ଝିଅ ସହ ଜଣେ ଯୁବକଙ୍କ ରକ୍ତ ଜୁଡୁବୁଡ଼ୁ ମୃତଦେହ ଦେଖିବାକୁ ମିଳିଛି ଝିଅର ଘରେ । ଗଜପତି ଜିଲ୍ଲା ଗୋଷାଣି ବ୍ଲକ ଗୁରାଣ୍ଡି ଥାନା ଅଧୀନ କାଣ୍ଟ୍ରାଗଡ଼ ପଞ୍ଚାୟତର ଆରିବା ଗ୍ରାମରେ ଘଟିଛି । ଏହି ହୃଦୟ ବିଦାରକ ଘଟଣା । ମୃତକ ଗ୍ରାମର ଏସ.ବାବୁ ରାଓଙ୍କ ଝିଅ ଏସ.ଦିଲ୍ଲେଶ୍ୱରୀ (୨୧) ଓ ଉକ୍ତ ସାହିର ସ୍ୱର୍ଗତ ପି.ଆପ୍ପା ରାଓଙ୍କ ପୁଅ ପି. ତାଲୁରୁ ଶ୍ରୀନୁ (୨୫) । କାଣ୍ଟ୍ରାଗଡ ସରପଞ୍ଚଙ୍କ ସ୍ୱାମୀ ସନମୁଖ ରାଓଙ୍କ ଠାରୁ ଖବର ପାଇ ଗୁରାଣ୍ଡି ଥାନା ଏସଆଇ ଲୋକନାଥ ବେହେରା ସଦଳବଳ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ଏହା ଏକ ହତ୍ୟାକାଣ୍ଡ ବୋଲି ସାଧାରଣରେ ସନେ୍ଦହ ପ୍ରକାଶ ପାଇଛି । ତେବେ ରାତି ହୋଇଯାଇଥିବାରୁ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ପହଞ୍ଚି ତଦନ୍ତ କରିବ ଏବଂ ତଦନ୍ତ ପରେ ଯାହା ସ୍ପଷ୍ଟ ହେବ ବୋଲି ତଦନ୍ତକାରୀ ଅଧିକାରୀ ଏସଆଇ ଲୋକନାଥ ବେହେରା ସୂଚନା ଦେଇଛନ୍ତି । ଏବେ ବି ଘଟଣା ସ୍ଥଳରେ ପୁଲିସ ଜଗି ରହିଥିବା ଏସଆଇ କହିଛନ୍ତି ।
