ଦେଶରେ କରୋନା ସଂକ୍ରମଣ ଯୋଗୁଁ ୫ ଲକ୍ଷ କୋଟିର ବେପାର କ୍ଷତି
ଦେଶରେ କରୋନା ସଂକ୍ରମଣ ଯୋଗୁଁ ୫ ଲକ୍ଷ କୋଟିର ବେପାର କ୍ଷତି
admin
2783
ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ବିଭିନ୍ନ ରାଜ୍ୟରେ ସଟଡାଉନ ଲକଡାଉନ ଆଦି ଲାଗୁ କରାଯାଉଛି । ଏଥିଯୋଗୁଁ ବିଭିନ୍ନ ଅଞ୍ଚଳକୁ ପରିବହନ ବାଧାପ୍ରାପ୍ତ ହେଉଛି । ଏଥିସହିତ ଦୋକାନ ବଜାର ମଧ୍ୟ ବନ୍ଦ ରହୁଛି । ପ୍ରତିଦିନ ଦିଲ୍ଲୀ ଏବଂ ବମ୍ବେ ଭଳି ମହାନଗରୀର ବ୍ୟବସାୟୀମାନେ ବିପୁଳ ପରିମାଣର କ୍ଷତି ସହୁଛନ୍ତି । କରୋନାର ଦ୍ୱିତୀୟ ଲହରରେ ଖୁଚୁରା ବ୍ୟବସାୟୀମାନେ ୩.୫ ଲକ୍ଷ କୋଟି ଟଙ୍କାର କ୍ଷତି ସହିଲେଣି । ସେହିଭଳି ପାଇକାରୀ ବ୍ୟବସାୟୀମାନେ ୧.୫ ଲକ୍ଷ କୋଟି ଟଙ୍କାର କ୍ଷତି ସହିଛନ୍ତି । ବିଭିନ୍ନ ରାଜ୍ୟର ବ୍ୟବସାୟୀ ସଂଘର ପରାମର୍ଶକ୍ରମେ ସର୍ବଭାରତୀୟ ବ୍ୟବସାୟୀ ମହାସଂଘ (ସିଏଆଇଟି) ଗବେଷଣା ଓ ବ୍ୟବସାୟ ବିକାଶ ସମିତି ଏହି ଆକଳନ କରିଛି । ସାରା ଦେଶରେ ଦୋକାନ ଓ ସୋ ରୁମକୁ ଗ୍ରାହକଙ୍କ ଆଗମନ ପ୍ରାୟ ୮୦ ପ୍ରତିଶତ କମିଯାଇଛି ।
