ନୁଆ ଖାଇ ଭେଟ ଘାଟ l ଝୁମିଲେ ମନ୍ତ୍ରୀ ଓ ସାଂସଦ l
Arpit Pattnaik
ପାରାଦୀପ ଇଫକୋ ଅଡିଟୋରିୟମରେ ଜୁହାର ପରିବାର ତରଫରୁ ନୂଆ ଖାଇ ଭେଟ ଭାଟ ଆୟୋଜନ କରାଯାଇ ଥିଲା । ଦୀର୍ଘ ପାଞ୍ଚ ବର୍ଷ ଧରି ଏହି କାର୍ଯ୍ୟ କ୍ରମ ଚାଲି ଆସୁଥିବା ବେଳେ, ଏ ବର୍ଷ ମହାଆଡମ୍ବରରେ ନୁଆ ଖାଇ ଭେଟ ଘାଟ ପାଳନ କରାଯାଇଛି । ଏହି ଉତ୍ସବ ରେ ମୁଖ୍ୟ ଅତିଥି ଭାବେ ଓଡ଼ିଶା ସରକାର ଙ୍କ ଶିଳ୍ପ ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀଯୁକ୍ତ ସମ୍ପଦ ଚନ୍ଦ୍ର ସ୍ୱାଇଁ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଜଗତସିଂପୂରୁ ଲୋକସଭା ସାଂସଦ ବିଭୁ ପ୍ରସାଦ ତରାଇ ଯୋଗ ଦେଇଥିଲେ l ଏହି ଉତ୍ସବ ରେ ମୁଖ୍ୟ ଆକର୍ଷଣ ଥିଲା ବରଗଡ଼ ଧନୁ ଯାତ୍ରାର କଂସ ମହାରାଜ ଓ ବରଗଡ଼ ଶାସନ ଭାର ସମ୍ଭାଳି ଥିବା ମହା ମନ୍ତ୍ରୀ l ଏଥି ସହ ପାରାଦୀପ ରେ ଥିବା ବିଭିନ୍ନ ଶିଳ୍ପ ଅନୁଷ୍ଠାନ ର ବହୁ ପଦ ପଦବିରେ ଥିବ ଅଧିକାରୀ ମାନେ ଯୋଗଡେଇ ଦେଇଥିବା ଦେଖା ଯାଉଛି l ଏହି ନୁଆ ଖାଇ ଭେଟ ଘାଟ ପଶ୍ଚିମ ଓଡ଼ିଶାର ଗଣ ପର୍ବ ଭାବେ ପରିଗଣିତ ହୋଇଥିବା ବେଳେ ଏହା ଏକ ଭାଇ ଚାରା ର ପର୍ବ ହୋଇଥିବାରୁ ଏହାକୁ ସାରା ଓଡ଼ିଶାରେ ପାଳନ କରାଯାଉ ଥିବା ଦେଖିବାକୁ ମିଳିଛି l ଏହି ଉତ୍ସବ ମୁଖ୍ୟ କଥା ଓଡ଼ିଶାର ଚାଷୀ ଭାଇ ମନେ ପ୍ରଥମ ଧାନ ଫସଲ ଅମଳ ହୋଇଥିବା ପ୍ରଥମ ଧାନର ଚାଉଳ ରୁ ପ୍ରଥମ କରି ଭାତ କ୍ଷୀରି ଓ ବିଭିନ୍ନ ସୁସ୍ୱାଦୁ ଖାଦ୍ୟ ପ୍ରସ୍ତୁତ କରି ମା ସମଲେଇ ଙ୍କୁ ଭୋଗ କରାଯାଇ ପଶ୍ଚିମ ଓଡ଼ିଶାର ସମସ୍ତ ଅଧିବାସୀ ମାନେ ଏହାକୁ ଖାଦ୍ୟ ଭାବେ ଗ୍ରହଣ କରୁଥିବା ନେଇ ପରମ୍ପରା ରହି ଆସିଥିବା ବେଳେ ସାରା ଓଡ଼ିଶାରେ ଏହି ପର୍ବ କୁ ନୁଆ ଖାଇ ପର୍ବ ରୁପେ ପାଳନ କରାଯାଇ ଥାଏ ।
