ନକଲି ଡାକ୍ତର ଗିରଫ

Nov 13, 2019 - 07:55 Updated: Nov 13, 2019 - 07:55

5676

ରାଉରକେଲା: ରାଉରକେଲା ପୋଲିସ ଜଣେ ନକଲି ଡାକ୍ତରଙ୍କୁ ଗିରଫ କରିଛି । ସେ ନକଲି ସାର୍ଟିଫିକେଟ୍ ଦେଇ ଡାକ୍ତର ସାଜିଥିବା ଜଣାପଡିଛି । ଆଜି ସକାଳେ ରାଉରକେଲା ପୋଲିସ ଜଣ ଡାକ୍ତରଙ୍କୁ ଗିରଫ କରିଥିଲା । ତେବେ ଡାକ୍ତର ଜଣଙ୍କ ହେଉଛନ୍ତି ନକଲି । ସେ ଜାଲ୍ ସାର୍ଟିଫିକେଟ୍ ଦେଇ ନୁଆଗାଁ ହସ୍ପିଟାଲରେ ଚାକିରି କରୁଥିଲେ । ଏନେଇ ଅଭିଯୋଗ ପାଇବା ପରେ ପୋଲିସ ସକାଳେ ସଂପୃକ୍ତ ଡାକ୍ତରଙ୍କୁ ତାଙ୍କର ସେକ୍ଟର ୧୫ ସ୍ଥିତ ବାସଭବନରୁ ଉଠାଇନେଇଥିଲା । ପରେ ତାଙ୍କୁ ଟାଉନ ଥାନାରେ ଜେରା କରିବା ପରେ ଗିରଫ କରିଥିଲା । ନକଲି ଡାକ୍ତରଜଣଙ୍କ ହେଉଛନ୍ତି ପଦ୍ମନାଭନ ମୁଖୀ କାରୁଆ । ସେ ଗତ ୩ ବର୍ଷ ଧରି ଜାଲ ସାର୍ଟିଫିକେଟରେ ଚାକିରି କରୁଥିବା ଜଣାପଡିଛି ।