ପାରାଦୀପରୁ ଲଢିବେ ସମ୍ବିତ ରାଉତରାୟ !

ପାରାଦୀପରୁ ବିଜେଡି ଟିକେଟ୍ ପାଇବ କିଏ ? ଏହାକୁ ନେଇ ବେଶ୍ କଳ୍ପନା ଜଳ୍ପନା ପ୍ରକାଶ ପାଇଛି । ବରିଷ୍ଠ ନେତା ଡାକ୍ଟର ଦାମୋଦର ରାଉତଙ୍କ ପୁଅ ସମ୍ବିତ ରାଉତରାୟ ବିଜେଡି ଟିକେଟ୍ ହାସଲ କରିବେ ବୋଲି ରାଜନୀତି ଅଳିନ୍ଦରେ ଚର୍ଚ୍ଚା ଜୋର ଧରିଛି । କଟକ ବାରବାଟି ବିଧାୟକ ଦେବାଶିସ ସାମନ୍ତରାୟ ପାରାଦୀପରୁ ଲଢିବା ନେଇ ଅଭିଳାଶ ରଖି ଥିବାବେଳେ ଅପରପକ୍ଷରେ ଦାମକୁ ଅଟକାଇବା ପାଇଁ ବିଜେଡି ତାଙ୍କ ପୁଅକୁ ଢାଲ କରିବାକୁ ଯୋଜନା କରୁଛି । ଦାମ ବିଜେପିରେ ଯୋଗ ଦେବେ ବୋଲି ଚର୍ଚ୍ଚା ଜୋର ହେବାଠାରୁ ଦାମକୁ ଥୋପ ଦେବାପାଇଁ ବିଜେଡିର ଜଣେ ବରିଷ୍ଠ ନେତା ଦାୟିତ୍ୱ ନେଇଛନ୍ତି । ମିଳିଥିବା ସୂଚନା ଅନୁୟାଯୀ ବିଜେଡି ପକ୍ଷରୁ ଦାମଙ୍କ ପୁଅକୁ ପାରାଦୀପର ବିଧାୟକ ଟିକେଟ ଦେବା ସହ ଝିଅକୁ ମଧ୍ୟ ମେୟର ପଦର ଲୋଭ ଦେଖାଯାଇଛି । ଏଥିପାଇଁ ଦାମ ନିରବ ରହିବେ ନା ବିରୋଧ କରିବେ ତାହାକୁ ନେଇ ଦୋ ଛକିରେ ପଡିଯାଇଛନ୍ତି । ବିଜେପି ପକ୍ଷରୁ ବହୁବାର ଯୋଗା ଯୋଗ କରାଯାଇଥିଲେ ମଧ୍ୟ ନିଷ୍ପତି ଅମିମାସିଂତ ରହଥିବା ଜାଣିବାକୁ ମିଳିଛି । ତାଙ୍କ କଥା ପାଇଁ ଡା ରାଉତଙ୍କୁ ନବୀନ ପଟ୍ଟନାୟକ ଦଳରୁ ବିଦା ହେବାର ରାସ୍ତା ଦେଖାଇଦେଇଥିଲେ । ସେବେଠାରୁ ଡା. ରାଉତ ନବୀନଙ୍କ ବିରୋଧରେ ସାରା ରାଜ୍ୟ ବୁଲି ବର୍ଷିବାରେ ଲାଗିଛନ୍ତି । ଗୋଟିଏ ପଟେ ସେ ନବୀବଙ୍କୁ ହରାଇବେ ବୋଲି କହୁଥିଲେ ମଧ୍ୟ ଅପରପକ୍ଷରେ ପୁଅର ଭବିଷ୍ୟତ ଚିନ୍ତା ମଧ୍ୟ ତାଙ୍କୁ ଘାରିଛି । ସେ ମଧ୍ୟ ଚାହୁଁଛିନ୍ତି ତାଙ୍କ ପୁଅକୁ ବିଜେଡି ଟିକେଟ ଦେଉ । ଯେଉଁଥି ପାଇଁ ସେ ମଝିରେ ମଝିରେ ନବୀନ ବିରୁଦ୍ଧରେ ବର୍ଷି ଚାପ ସୃଷ୍ଟି କରୁଛନ୍ତି ବୋଲି ରାଜନୀତି ସମୀକ୍ଷକ ମାନେ ମତ ପୋଷଣ କରିଛନ୍ତି । ଡା.ରାଉତଙ୍କ ପୁଅ ସମ୍ବିତ ଏନେଇ ମତବେକ୍ତ କରିଥିଲେ ତାଙ୍କ ବାପା ଯଦି ବିଜେପିଙ୍କୁ ଯାଆନ୍ତି ତଥାପି ବି ତାଙ୍କ ଟିକେଟ୍ ଉପରେ ପ୍ରଭାବ ପଡିବ ନାହିଁ । ତାଙ୍କୁ ନବୀନ ପଟ୍ଟନାୟକ ନିଶ୍ଚିତ ଟିକେଟ୍ ଦେବେ ବୋଲି ଆଶା ପ୍ରକାଶ କରିଛନ୍ତି । ଅପରପକ୍ଷରେ ପୂର୍ବରୁ ଡା.ରାଉତ କହିଥିଲେ ଯେ ଯଦି ପାରାଦୀପରୁ ମୋ ପୁଅକୁ ଟିକେଟ୍ ଦେବା ପାଇଁ ବିଜେଡି ଚାହୁଁଛି ତେବେ ଦେବାଶିସ ସାମାନ୍ତରାୟଙ୍କୁ କାହିଁକି ପାରାଦୀପ ପଠା ଯାଉଛି ବୋଲି ପ୍ରଶ୍ନ କରିଥିଲେ । ଏକ ସୂତ୍ର ଅନୁଯାୟୀ ଡା.ରାଉତ ବିଜେଡିରୁ ବିଦା ହେବା ପରେ ଅନେକ ବିଜେଡି ନେତା ଦାମଙ୍କ ପାଖ ମାଡି ନଥିଲେ । ଯେଉଁଥି ପାଇଁ ଏଯାଏଁ ପାରାଦୀପରେ ସେ ଭଳି ଆଖି ଦୃଶିଆ ସମାବେଶ କରିବା ପାଇଁ ଦାମ ବିଫଳ ହୋଇ ଯାଇଛନ୍ତି । ଦାମ ବିଜେଡିରୁ ଯିବା ପରେ ଅନେକ ଆଶାୟୀ ମୁଣ୍ଡ ଟେକିଛନ୍ତି । ଯେଉଁମାନେ ଦାମଙ୍କ ଅତ୍ୟନ୍ତ ଅନୁଗତ ଥିଲେ ସେମାନେ ଦାମଙ୍କ ପୁଅକୁ ବିରୋଧ କରିବା ପାଇଁ ପଛୋଉ ନଥିଲେ । ଏକ ଚର୍ଚ୍ଚା ଆଲୋଚନା ମଧ୍ୟରେଏହା ସ୍ୱୀକାର କରିବାକୁ ପଡିବ ଯେ ଏବେ ମଧ୍ୟ ପାରାଦୀପ ନିର୍ବାଚନ ମଣ୍ଡଳରେ ଡା.ରାଉତଙ୍କ ଦବଦବା ବେଶ ପରିଲକ୍ଷିତ ହେଉଛି । କିଏ ଯିତିବେ କିଏ ହାରିବେ ଡା.ରାଉତ ସେ କ୍ଷେତ୍ରରେ ପ୍ରମୁଖ୍ୟ ଭୂମିକା ଗ୍ରହଣ କରିବେ । ଯେଉଁଥି ପାଇଁ ତାଙ୍କ ପୁଅକୁ ଟିକେଟ୍ ମିଳିବ ବୋଲି କୁହାଯାଉଛି ।