ପିଛା ଛାଡୁନି ଅନ୍ଧବିଶ୍ୱାସ , ୫ ଦିନର ଶିଶୁକୁ ୧୩ ଥର ଚେଙ୍କ ।
ପିଛା ଛାଡୁନି ଅନ୍ଧବିଶ୍ୱାସ , ୫ ଦିନର ଶିଶୁକୁ ୧୩ ଥର ଚେଙ୍କ ।
admin
5525
ନବରଙ୍ଗପୁର ଜିଲ୍ଲା ଉମରକୋଟ ବ୍ଲକରେ ଘଟିଛି ଅଭାବନୀୟ ଘଟଣା । ଅନ୍ଧବିଶ୍ୱାସର ଆଶ୍ରୟ ନେଇ ୫ ଦିନର ଶିଶୁକୁ ଦିଆଯାଇଛି ଚେଙ୍କ । ପରିବାର ଲୋକଙ୍କ ହିଁ ନିଷ୍ପାପ ଶିଶୁ ସହ ଏଭଳି ନିଷ୍ଠୁର କାମ କରିଥିବା ସୂଚନା ମିଳିଛି । ଯାହାଫଳରେ ସ୍ୱାସ୍ଥ୍ୟାବସ୍ଥା ବିଗିଡି ଯିବାରୁ ଉମରକୋଟ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ, ଉମରକୋଟ ବ୍ଲକ ଗମ୍ଭାରିଗୁଡ଼ା ଗାଁର ମୋତିଗାଁର ଯଦୁ ବିଶି ୫ ଦିନ ତଳେ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ । ତେବେ ୩୧ ତାରିଖ ଦିନ ଶିଶୁର କାନ୍ଦ ବନ୍ଦ ହୋଇ ନଥିଲା । ରାହା ଧରି କାନ୍ଦିବାରୁ ପରିବାର ଲୋକେ ବିବ୍ରତ ହୋଇଥିଲେ । କିନ୍ତୁ ଡାକ୍ତରଖାନା ନେବା ପରିବର୍ତ୍ତେ ପରବର୍ତ୍ତୀ ପରମ୍ପରା ନାଁରେ ଶିଶୁକୁ ବାରମ୍ବାର ଚେଙ୍କ ଦେଇଥିଲେ । ପେଟ ଓ ଛାତିରେ ପରିବାର ଲୋକ ହିଁ ପ୍ରାୟ ୧୩ ଥର ଚେଙ୍କ ଦେଇଥିବା ଜଣାପଡ଼ିଛି । ଫଳରେ ଶିଶୁଟିର ଅବସ୍ଥା ଆହୁରି ଗମ୍ଭୀର ହୋଇଯାଇଥିଲା । ଯନ୍ତ୍ରଣାରେ ଛଟପଟ ହେବା ସହ ଶିଶୁଟିର କାନ୍ଦ ବନ୍ଦ ହୋଇନଥିଲା । ଏମିତି ଅବସ୍ଥାରେ ବାଧ୍ୟ ହୋଇ ଶିଶୁକୁ ନେଇ ବାପା, ମା ଉମରକୋଟ ଡାକ୍ତରଖାନାକୁ ଆସିଥିଲେ । ଅପରାହ୍ନରେ ଶିଶୁ ରୋଗ ବିଶେଷଜ୍ଞ ଡାକ୍ତର ସନ୍ତୋଷ କୁମାର ପଣ୍ଡା ଚିକିତ୍ସା ଆରମ୍ଭ କରିଥିଲେ । ସଂଧ୍ୟା ବେଳକୁ ସାମାନ୍ୟ ସୁସ୍ଥ ଅନୁଭବ କରିବାରୁ ଏସଏନସିୟୁରେ ଭର୍ତ୍ତି କରାଯାଇଛି । ଯଦି ଡାକ୍ତରଖାନା ଆଣିବାରେ ବିଳମ୍ବ ହୋଇଥାନ୍ତା ତେବେ ସଂକ୍ରମଣ ହେବାର ଯଥେଷ୍ଟ ସମ୍ଭାବନା ରହିଥିବା ଡାକ୍ତର ପଣ୍ଡା କହିଛନ୍ତି ।
