ପିଲାଙ୍କ ପାଇଁ ଆସିଗଲା ରୋବଟ୍ ଖେଳନା

Jan 24, 2020 - 06:26 Updated: Jan 24, 2020 - 06:26

6288

ଧନିକ ବର୍ଗର ଲୋକେ ଏବେ ପିଲାଙ୍କୁ ଉପହାର ଭାବେ ‘ରୋବଟ୍ ଖେଳନା’ ଦେବାକୁ ପସନ୍ଦ କରୁଚନ୍ତି । ଦୁବାଇର ଅଧିକାଂଶ ଧନୀବ୍ୟକ୍ତି ସେମାନଙ୍କ ପିଲାଙ୍କୁ କିଛି ଭିନ୍ନ ଭେଟି ଦେବା ନିମନ୍ତେ ଏକ ରୋବଟ୍ ଖେଳନାକୁ ପ୍ରଥମରେ ମନୋନୀତ କରୁଥିବାର ଦେଖାଯାଇଛି । ବିଭିନ୍ନ ପ୍ରକାରର ରୋବଟ ଖେଳନା ମଧ୍ୟରୁ ‘ବବି ରେକ୍ସ ତ ଡଗ୍’ ଓ ଅନ୍ୟଟି ‘ସ୍ପାଇକି ମିନି ବକ୍ସ’ । ଦୁହିଁଙ୍କର ମୂଲ୍ୟ ଯଥାକ୍ରମେ ୧୧,୯୯୯ ଟଙ୍କା ଓ ୧୨,୪୯୧ ଟଙ୍କା । ଏଇ ଖେଳନା ରୋବଟ୍ ଗୁଡ଼ିକ ମନୁଷ୍ୟର ଆଦେଶ ଅନୁସାରେ କେତୋଟି କାମ କରନ୍ତି । ପିଲାଙ୍କୁ ଏହି ଖେଳନା ରୋବଟ କୌଣସି କ୍ଷତି ପହଞ୍ଚାଇନଥାଏ ବୋଲି କମ୍ପାନୀ ତରଫରୁ କୁହାଯାଇଛି । ଅନ୍ୟ ପାଖେ ଡଗ ରୋବଟ ଘରର ଜଗୁଆଳୀ ଭାବେ ମଧ୍ୟ କାମ କରେ । ଏହା ଏପରି ପ୍ରକାରର ଏକ ରୋବଟ ଯାହା ବିଲେଇ ସହ ମଧ୍ୟ ଖେଳିପାରେ । ଅଜଣା ଲୋକ ଘର ଦୁଆର ପାଖେ ଛିଡା ହେବା ମାତ୍ରେ ସେନସର ସହାୟତାରେ ରେକ୍ସ ଡଗ ରୋବଟ ଏହା ଜାଣିପାରେ । ସାଢେ଼ ପାଞ୍ଚ ଇଞ୍ଚର ଏଇ କୁକୁର ରୋବଟ୍ ଦୁଇଟି ବ୍ୟାଟେରୀ ସହାୟତାରେ କାମ କରିଥାଏ ।