ବଦଳିଲା ତୃତୀୟ ଟେଷ୍ଟ ଭେନ୍ୟୁ : ଧର୍ମଶାଳା ବଦଳରେ ଇନ୍ଦୋର
ବଦଳିଲା ତୃତୀୟ ଟେଷ୍ଟ ଭେନ୍ୟୁ : ଧର୍ମଶାଳା ବଦଳରେ ଇନ୍ଦୋର
![ବଦଳିଲା ତୃତୀୟ ଟେଷ୍ଟ ଭେନ୍ୟୁ : ଧର୍ମଶାଳା ବଦଳରେ ଇନ୍ଦୋର](https://voiceofodisha.com/odia/news_gallery/29964_1676304687.jpg)
ମୁମ୍ବାଇ: ବଦଳିଲା ତୃତୀୟ ଟେଷ୍ଟ ଭେନ୍ୟୁ । ଭାରତ-ଅଷ୍ଟ୍ରେଲିଆ ବର୍ଡର ଗାଭାସ୍କର ଟ୍ରଫିରେ ଖେଳାଯିବାକୁ ଥିବା ତୃତୀୟ ଟେଷ୍ଟ ମ୍ୟଚ୍ର ଭେନ୍ୟୁ ପରିବର୍ତ୍ତନ ହୋଇଛି । ଧର୍ମଶାଳାରୁ ମ୍ୟାଚକୁ ହୋଲକର ଷ୍ଟାଡିୟମ ଇନ୍ଦୋରକୁ ସ୍ଥାନାନ୍ତର କରାଯାଇଛି । ଏନେଇ ବିସିସିଆଇ ପକ୍ଷରୁ ଟ୍ବିଟ୍ କରି ସୂଚନା ଦେଇଛି ।
ଭାରତ-ଅଷ୍ଟ୍ରେଲିଆ ମଧ୍ୟମରେ ବର୍ଡର ଗାଭାସ୍କର ଟ୍ରଫିରେ ୪ଟି ଟେଷ୍ଟ ମ୍ୟାଚ୍ ଖେଳାଯିବ । ପ୍ରଥମ ମ୍ୟାଚ୍ ନଗପୁରରେ ଖେଳା ଯାଇଥିବାବେଳେ ଦ୍ବିତୀୟ ମ୍ୟାଚ୍ ଅରୁଣ ଜେଟଲୀ ଷ୍ଟାଡିୟମ ଦିଲ୍ଲୀରେ ଖେଳା ଯିବ। ସେହିପରି ତୃତୀୟ ଟେଷ୍ଟ୍ ଧର୍ମଶାଳା ଓ ଚତୁର୍ଥ ଟେଷ୍ଟ୍ ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବା ନେଇ ଭେନ୍ୟୁ ସ୍ଥିର ହୋଇଥିଲା । ହେଲେ ତୃତୀୟ ଟେଷ୍ଟକୁ ଧର୍ମଶାଳାରୁ ଇନ୍ଦୋର ହୋଲକର ଷ୍ଟାଡିୟମକୁ ସ୍ଥାନାନ୍ତର କରିଛି ବିସିସିଆଇ ।
ଆସନ୍ତା ମାର୍ଚ୍ଚ ୧ରୁ ୫ ତାରିଖ ପର୍ୟ୍ୟନ୍ତ ଭାରତ-ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ ଖେଳାଯିବ । ମାତ୍ର ହିମାଚଳ ପ୍ରଦେଶ ଧର୍ମଶାଳା ଷ୍ଟାଡିୟମର ଆଉଟ୍ ଫିଲ୍ଡ କାମ ଶେଷ ହୋଇନଥିବାରୁ ମ୍ୟାଚ୍ ଭେନ୍ୟୁକୁ ପରିବର୍ତ୍ତନ କରାଯାଇଛି । ଭୀଷଣ ଥଣ୍ଡା ଯୋଗୁ ଆଉଟ୍ ଫିଲ୍ଡିରେ ପର୍ୟ୍ୟାପ୍ତ ଘାସ ନାହିଁ ଏବଂ ଷ୍ଟାଡିୟମ ବିକଶିତ ହେବାକୁ ଆହୁରି ଅନେକ ଦିନ ଲାଗିବ । ଫେବ୍ରୁଆରୀ ୧୧ ତାରିଖରେ ହିମାଚଳ ପ୍ରଦେଶ କ୍ରିକେଟ୍ ଅସୋସିଏସନର ପ୍ରତିନିଧି ଦଳ ଷ୍ଟାଡିୟମ ନିରୀକ୍ଷଣ କରି ରବିବାର ରିପୋର୍ଟ ପ୍ରଦାନ କରିଥିଲା । ଷ୍ଟାଡିୟମ କାମ ଶୀଘ୍ର ଶେଷ ହେବା ନେଇ ଆଶଙ୍କା ଦେଖା ଦେଇଥିବାରୁ ସୋମବାର ବିସିସିଆଇ ଭେନ୍ୟୁ ପରିବର୍ତ୍ତନ କରିଛି । ତୃତୀୟ ଟେଷ୍ଟ ଧର୍ମଶାଳା ବଦଳରେ ଇନ୍ଦୋରରେ ଖେଳାଯିବା ନେଇ ସ୍ଥିର ହୋଇଛି ।