ବ୍ୟାଙ୍କ ଠକେଇ: ୫ଜଣଙ୍କୁ ୧୪ ବର୍ଷ ଜେଲ

Oct 8, 2020 - 09:41 Updated: Oct 8, 2020 - 09:41

4429

ବାରିପଦା: ଏକ ବ୍ୟାଙ୍କ ଠକେଇ ମାମଲାର ବିଚାର କରି ବାରିପଦା ସିଜେଏମ ୫ ଜଣଙ୍କ ଦୋଷୀଙ୍କୁ ୧୪ ବର୍ଷ ଲେଖାଏଁ ଜେଲ ଦଣ୍ଡାଦେଶ ଦେଇଛନ୍ତି । ଜେଲ ଦଣ୍ଡ ସହ ୧୭ ଲକ୍ଷ ଲେଖାଏଁ ଜୋରିମାନା ମଧ୍ୟ କରାଯାଇଛି । ୨୦୧୨-୧୩ରେ ଝାରପୋଖରିଆ ବ୍ୟାଙ୍କ ଅଫ ଇଣ୍ଡିଆ(ବିଓଆଇ) ବ୍ୟାଙ୍କ ଠକେଇ ମାମଲାରେ ୫ ଜଣଙ୍କୁ ଉପରୋକ୍ତ ଦଣ୍ଡାଦେଶ ଦିଆଯାଇଛି । ଜନନିଧି ଯୋଜନାରେ ୧ କୋଟି ୩୧ ଲକ୍ଷ ଠକେଇ ମାମଲାରେ ଏହି ଦଣ୍ଡାଦେଶ ଦିଆଯାଇଛି । ତତକାଳୀନ ବିଏମ ଗିରିଜା ମିଶ୍ର, ଫିଲ୍ଡ ଅଫିସର ସତ୍ୟରୂପା ମହାନ୍ତି, ସପ୍ଲାୟର ବଙ୍ଗାଳି ଜେନା, ସୁଶାନ୍ତ ଜେନା ଓ ଏଜେଣ୍ଟ ସତ୍ୟାନ୍ଦ ପାତ୍ର ପ୍ରମୁଖ ଏହି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ।