ଯଶସ୍ୱୀ ଜୈସ୍ୱାଲ ଗୁପଚୁପ ବିକାଳିରୁ କୋଟିପତି !
ଯଶସ୍ୱୀ ଜୈସ୍ୱାଲ ଗୁପଚୁପ ବିକାଳିରୁ କୋଟିପତି !
admin
5160
ମୁମ୍ବାଇର ଏହି ଯୁବ ବାମହାତି ବ୍ୟାଟସ୍ମ୍ୟାନ ଆଇପିଏଲ ନିଲାମର ବହୁ ପୂର୍ବରୁ ଚର୍ଚ୍ଚାର କେନ୍ଦ୍ରବିନ୍ଦୁ ସାଜି ଥିଲେ । ୧୯ ବର୍ଷରୁ କମ୍ ଭାରତୀୟ ଦଳରେ ସ୍ଥାନ ପାଇ ସେ ଏବେ ଯୁବ ବିଶ୍ୱକପ୍ ଖେଳିବାକୁ ପ୍ରସ୍ତୁତି ଚଳାଇଛନ୍ତି । ଗତ ବିଜୟ ହଜାରେ ଟ୍ରଫିରେ ମୁମ୍ବାଇ ପକ୍ଷରୁ ଓପନ କରି ସେ ଦ୍ୱିଶତକ (୧୫୪ ବଲରୁ ୨୦୩) ଅର୍ଜନ କରିଥିଲେ । ଏହି ଇଂନିସ୍ରେ ସେ ୧୭ଟି ଚୌକା ଓ ୧୨ଟି ଛକା ମାରିଥିଲେ । ଭାରତର ସର୍ବକନିଷ୍ଠ ଖେଳାଳି ଭାବେ ୫୦ ଓଭର ଭିତ୍ତିକ ମ୍ୟାଚ୍ରେ ଦ୍ୱିଶତକ ଅର୍ଜନ କରିବାରେ ସେ ରେକର୍ଡ କରିଛନ୍ତି । ବିଜୟ ହଜାରେ ଟ୍ରଫିରେ ସେ ୩ଟି ଶତକ ଓ ଗୋଟିଏ ଅର୍ଦ୍ଧ ଶତକ ବଳରେ ୫୬୪ ରନ୍ ସଂଗ୍ରହ କରିଥିଲେ । ଜୈସ୍ୱାଲଙ୍କ ବେସ୍ ପ୍ରାଇସ ଥିଲା ୨୦ ଲକ୍ଷ ଟଙ୍କା । ନିଲାମ ବେଳେ ତାଙ୍କୁ କିଣିବା ପାଇଁ ଜୋରଦାର ପ୍ରତିଦ୍ୱନ୍ଦ୍ୱିତା ହୋଇଥିଲା । ଶେଷରେ ରାଜସ୍ଥାନ ରୟାଲ୍ସ ତାଙ୍କୁ ୨ କୋଟି ୪୦ ଲକ୍ଷ ଟଙ୍କାରେ କିଣିଥିଲେ । ବର୍ତ୍ତମାନ ଜୈସ୍ୱାଲଙ୍କୁ ଭାରତୀୟ କି୍ରକେଟର ଭବିଷ୍ୟତ ରୂପେ ଗଣନା କରାଯାଉଛି । ଏକଦା ଦୈନନ୍ଦିନ ଗୁଜରାଣ ମେଣ୍ଟାଇବା ପାଇଁ ମୁମ୍ବାଇ ରାସ୍ତାରେ ଗୁପ୍ଚୁପ୍ ବିକୁଥିବା ଜୈସ୍ୱାଲ ଏବେ ନିଜ ପାଇଁ ଘର ଓ ଗାଡ଼ି କିଣିପାରିବେ ।
