ଯାତ୍ରା ଗୌରବ ସମ୍ମାନରେ ରସରାଜ
ଯାତ୍ରା ଗୌରବ ସମ୍ମାନରେ ରସରାଜ
admin
2075
ଯାତ୍ରା ଜଗତର ଜଣେ ଲୋକପ୍ରିୟ ହାସ୍ୟାଭିନେତା ହେଲେ ରସରାଜ ମଣିଭଦ୍ର ବିଶ୍ୱାଳ । ବେଶ କିଛି ବର୍ଷ ଧଣି ଯାତ୍ରାରୁ ସେ ଦୂରେଇ ରହିଥିଲେ ବି ତାଙ୍କର ମନଜିଣା ଅଭିନୟ ପାଇଁ ସେ ଦର୍ଶକଙ୍କ ହୃଦୟରେ ସ୍ଥାନିତ ହୋଇ ରହିଛନ୍ତି । ତାଙ୍କୁ ପଞ୍ଚସଖା ଯାତ୍ରା ଏକାଡେମୀ, ଓଡଶାଳ, ବାଲେଶ୍ୱର ପକ୍ଷରୁ ୨୦୧୯-୨୦ ପାଇଁ ଓଡ଼ିଶା ଯାତ୍ରା ଗୌରବ ସମ୍ମାନ ପ୍ରଦାନ କରାଯିବ ବୋଲି ସ୍ଥିର ହୋଇଛି । ତାଙ୍କ ସହ ଏହି ସମ୍ମାନ ପାଇବେ ବରିଷ୍ଠ ଅଭିନେତା ନିତ୍ୟାନନ୍ଦ ପାଢ଼ୀ ।
ସେହିପରି ନାଟ୍ୟାଚାର୍ଯ୍ୟ ରଘୁନାଥ ପଣ୍ଡା ସମ୍ମାନ ପାଇବେ ସୁରେଶ ସ୍ୱାଇଁ ଓ ସାରଥୀ ପରିଡ଼ା । ଯାତ୍ରା ସମ୍ରାଟ ଶ୍ୟାମସୁନ୍ଦର ମହାପାତ୍ର ସମ୍ମାନ ପାଇବେ ରାଧାକୃଷ୍ଣ ଗିରି ଓ ଦେବୀ ପ୍ରସାଦ ରଥ । ନାଟ୍ୟଶ୍ରୀ ଆର୍ତ୍ତବନ୍ଧୁ ରାଉତରାୟ ସମ୍ମାନ ପାଇବେ କାହ୍ନୁଚରଣ ଚଣ୍ଡ ଓ ସୁଧାକର ନାୟକ । ସେହିପରି ପଲ୍ଲୀକବି କୃଷ୍ଣପ୍ରସାଦ ବେହେରା ସମ୍ମାନ ପାଇବାକୁ ବିବେଚିତ ହୋଇଛନ୍ତି କାର୍ତ୍ତିକ ସାଥୁଆ ଓ ରାଜକିଶୋର ଜେନା ।
