ରାଜଧାନୀର ରାଜ ରାସ୍ତାରେ ମହିଳାଙ୍କୁ ବିଧା, ଗୋଇଠା

Mar 11, 2020 - 12:22 Updated: Mar 11, 2020 - 12:22

2496

ରାଜଧାନୀର ରାଜ ରାସ୍ତାରେ ମହିଳାଙ୍କୁ ବିଧା, ଗୋଇଠା । ରାସ୍ତା ମଝିରେ ଆକ୍ରମଣ କରିଛନ୍ତିି ଯୁବକ । ଏଭଳି ଘଟଣା ଘଟିଛି ଲିଙ୍ଗରାଜ ଥାନାର ବିନ୍ଦୁସାଗର ଅଂଚଳରେ । ଜମି ବିବାଦକୁ ନେଇ ଏଭଳି କାଣ୍ଡ ଘଟିଥିବା କୁହାଯାଉଛି । ଏ ନେଇ ସଂପୃକ୍ତ ମହିଳା ଲିଙ୍ଗରାଜ ଥାନାରେ ଏତଲା ଦେଇଛନ୍ତି । ଗତକାଲି ଘଟିଥିବା ଏହି ଘଟଣା ସିସିଟିଭିରେ କଏଦ ହୋଇଛି । ମହିଳାଙ୍କ କହିବା ଅନୁସାରେ, ତରଙ୍ଗ କ୍ଲବ ସହ ଜମିଜମାକୁ କେନ୍ଦ୍ରକରି ତାଙ୍କ ପରିବାରର ଦୀର୍ଘଦିନ ଧରି ବିବାଦ ଲାଗିରହିଥିଲା । ଏ ନେଇ ଆଗରୁ ଗଣ୍ଡଗୋଳ ବି ହୋଇଥିଲା । ତେବେ ଗତକାଲି ସଂପୃକ୍ତ କ୍ଲବର ଯୁବକ ଆସି ମାରଧର କରିଥିବା ମହିଳା ଜଣଙ୍କ ଅଭିଯୋଗ ଆଣିଛନ୍ତି । ପୋଲିସ ମଧ୍ୟ ବିଳମ୍ବରେ ଆସିଥିବା ମହିଳାଜଣକ କହିଛନ୍ତି । ସଂପୃକ୍ତ ଯୁବକମାନେ ତାଙ୍କ ସ୍ୱାମୀ ଓ ପରିବାରର ସଦସ୍ୟଙ୍କୁ ବାରମ୍ବାର ଖରାପ ବ୍ୟବହାର କରୁଛନ୍ତି । ତେଣୁ ସଂପୃକ୍ତ ଯୁବକଙ୍କୁ ଶୀଘ୍ର ଗିରଫ ଓ ନିଜର ସୁରକ୍ଷା ଦାବି କରି ମହିଳା ଜଣଙ୍କ ଲିଙ୍ଗରାଜ ଥାନାର ଦ୍ୱାରସ୍ଥ ହୋଇଛନ୍ତି ।