ରାଜ୍ୟସଭା ଉପନିର୍ବାଚନ ବିଜ୍ଞପ୍ତି

Jun 18, 2019 - 05:31 Updated: Jun 18, 2019 - 05:31

4892

ଭୁବନେଶ୍ୱର: ରାଜ୍ୟସଭା ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଲା । ଆସନ୍ତା ଜୁଲାଇ ୫ରେ ହେବ ଉପନିର୍ବାଚନ । ଓଡିଶାରୁ ଖାଲି ପଡିଥିବା ୩ଟି ଆସନ ସମେତ ୬ ଆସନ ପାଇଁ ଏହି ଉପନିର୍ବାଚନ ଅନୁଷ୍ଠିତ ହେବ । ରାଜ୍ୟସଭା ଉପନିର୍ବାଚନ ପାଇଁ ଲୋକସେବା ଆୟୋଗଙ୍କ ସଚିବ ବିଷ୍ଣୁପ୍ରସାଦ ମିଶ୍ରଙ୍କୁ ରିଟର୍ଣ୍ଣିଂ ଅଫିସର ଭାବେ ନିଯୁକ୍ତି ମିଳିଛି । ନିର୍ବାଚନ କମିଶନଙ୍କ ସୂଚନା ଅନୁଯାୟୀ ଏହି ଉପନିର୍ବାଚନ ପାଇଁ ଜୁନ ୨୫ରେ ନାମାଙ୍କନ ଦାଖଲ ସରିବ । ୨୬ରେ ନାମାଙ୍କନ ପତ୍ର ଯାଂଚ ହେବ । ୨୮ରେ ନାମାଙ୍କନ ପ୍ରତ୍ୟାହାରର ଶେଷ ଦିନ ରଖା ଯାଇଛି । ଆସନ୍ତା ୫ ଜୁଲାଇରେ ସକାଳ ୯ ଟାରୁ ଅପରାହ୍ନ ୪ ଟା ପର୍ଯ୍ୟନ୍ତ ଭୋଟ ହେବ । ସେଦିନ ଅପରାହ୍ନ ୫ ଟାରେ ଭୋଟ ଗଣତି କରାଯିବ ।