ସୁପ୍ରିମକୋର୍ଟ ଗଲେ ବର୍ଷା, କାହିଁକି ଜାଣନ୍ତୁ
ସୁପ୍ରିମକୋର୍ଟ ଗଲେ ବର୍ଷା, କାହିଁକି ଜାଣନ୍ତୁ
admin
3745
ଭୁବନେଶ୍ୱର : ବର୍ଷା ଓ ଅନୁଭବ ବିବାଦକୁ ନେଇ ଚର୍ଚ୍ଚା ଥମିନଥିବାବେଳେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ବର୍ଷା ପ୍ରିୟଦର୍ଶିନୀ । ଉଭୟଙ୍କ ମଧ୍ୟରେ ତିକ୍ତତା ଲାଗି ରହିଥିବାବେଳେ ବର୍ଷାଙ୍କୁ ଛାଡ଼ପତ୍ର ଦେବା ପାଇଁ ଅନୁଭବ ଦିଲ୍ଲୀର ପଟିଆଲା କୋର୍ଟରେ ଆବେଦନ କରିଛନ୍ତି । ଅପରପକ୍ଷରେ ଭରଣପୋଷଣ, କ୍ଷତିପୂରଣ ଓ ସୁରକ୍ଷିତ ଦାମ୍ପତ୍ୟ ଜୀବନ ପାଇଁ କଟକରେ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ବର୍ଷା ।
ଦିଲ୍ଲୀର ପଟିଆଲା କୋର୍ଟରେ ଅନୁଭବ ଛାଡ଼ପତ୍ର ପାଇଁ ଆବେଦନ କରିଛନ୍ତି । ତେବେ ଏହି ମାମଲାକୁ କଟକକୁ ସ୍ଥାନାନ୍ତରିତ କରିବା ପାଇଁ ବର୍ଷା ଦାବି କରିଛନ୍ତି । ଏନେଇ ସେ ସୁପ୍ରିମକୋର୍ଟରେ ପିଟିସନ ଦାଖଲ କରି ମାମଲା ସ୍ଥାନାନ୍ତର କରିବା ପାଇଁ ନିବେଦନ କରିଛନ୍ତି । ଯାହାଫଳରେ ମାମଲା ପରିଚାଳନାରେ ତାଙ୍କୁ ସୁବିଧା ହେବବୋଲି ସେ ଉଲ୍ଲେଖ କରିଥିବା ଜାଣିବାକୁ ମିଳିଛି । ସୂଚନାଯୋଗ୍ୟଯେ, ଉଭୟ ପୁଣି ଏକାଠି ହୋଇ ଦାମ୍ପତ୍ୟ ଜୀବନ ଆରମ୍ଭ କରିବାକୁ ସେମାନଙ୍କ ଫ୍ୟାନ ମାନେ ନିବେଦନ କରିଛନ୍ତି । ବର୍ଷା ମଧ୍ୟ ଅନୁଭବଙ୍କ ସହ ଏକାଠି ରହିବାକୁ ଚାହୁଁଛନ୍ତି । କିନ୍ତୁ ଅନୁଭବ ଛାଡ଼ପତ୍ର ଦେବା ଜିଦରେ ଅଟଳ ରହିଛନ୍ତି । କେତେକ ଅନୁଷ୍ଠାନ ମଧ୍ୟ ଉଭୟଙ୍କ ମଧ୍ୟରେ ମିଳାମିଶା କରିବାକୁ ଉଦ୍ୟମ ବି କରି ଆସିଛନ୍ତି । ଉଭୟଙ୍କ ଦାମ୍ପତ୍ୟ ଜୀବନ ଆରମ୍ଭରୁ ତିକ୍ତତା ଦେଇ ଗତି କରିଛି ବୋଲି ଅନୁଭବ ଦର୍ଶାଉଥିବାବେଳେ ଅନୁଭବ ମଦ ପିଇ ବାଡ଼ିଆପିଟା କରୁଛନ୍ତି ବୋଲି ବର୍ଷା କହିଛନ୍ତି ।
