ସୁସ୍ଥ ହେଉଛନ୍ତି ଋଷଭ ପନ୍ତ, ଫଟୋ ପୋଷ୍ଟ କରି ଏପରି ଲେଖିଲେ
ସୁସ୍ଥ ହେଉଛନ୍ତି ଋଷଭ ପନ୍ତ, ଫଟୋ ପୋଷ୍ଟ କରି ଏପରି ଲେଖିଲେ
admin
ନୂଆଦିଲ୍ଲୀ : ଭାରତୀୟ ଷ୍ଟାର ବ୍ୟାଟସ ମ୍ୟାନ ଋଷଭ ପନ୍ତ ସୁସ୍ଥ ହେଉଛନ୍ତି । ସେ ଗତ ଶୁକ୍ରବାର ତାଙ୍କର ଏକ ଫଟୋ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଏହି ଫଟୋରେ ପନ୍ତ ଏକ କ୍ରଚ ସାହାଯ୍ୟରେ ଛିଡା ହୋଇ ଧୀରେଧୀରେ ଚାଲିବାକୁ ଚେଷ୍ଟା କରୁଥିବା ଦେଖିବାକୁ ମିଳିଛି । ଯାହା ଭାରତୀୟ କ୍ରିକେଟପ୍ରେମୀଙ୍କ ମନରେ ଆଶ୍ୱସ୍ତି ଆଣିଛି । ଏହି ଫଟୋଟିକୁ ପୋଷ୍ଟ କରି ପନ୍ତ ଲେଖିଛନ୍ତି ‘ୱାନ ଷ୍ଟେପ୍ ଫରୱାର୍ଡ, ୱାନ ଷ୍ଟେପ ଷ୍ଟ୍ରଙ୍ଗର, ୱାନ ଷ୍ଟେପ ବେଟର’ ।
ସୂଚନାଥାଉକି ଗତ ଡିସେମ୍ବର ମାସରେ ପନ୍ତ ତାଙ୍କ ପରିବାର ସଦସ୍ୟଙ୍କୁ ଭେଟିବା ପାଇଁ କାରରେ ଦିଲ୍ଲୀରୁ ରୁର୍କି ଯାଉଥିବା ସମୟରେ ତାଙ୍କ ଆଖି ଲାଗି ଯାଇଥିଲା । ଏଥିପାଇଁ ଡିଭାଇଡରରେ କାରଟି ପିଟି ହୋଇଥିଲା । ଭୟଙ୍କର କାର ଦୁର୍ଘଟଣାର କାରଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଗୁରୁତର ଅବସ୍ଥାରେ ଋଷଭଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଆଣ୍ଠୁରେ ଗଭୀର ଭାବେ ଆଘାତ ଲାଗିଥିଲା । ଏହାପରେ ଜାନୁଆରି ମାସରେ ମୁମ୍ବାଇର ଏକ ଘରୋଇ ଡାକ୍ତରଖାନାରେ ଆଣ୍ଠୁ ଅସ୍ତ୍ରୋପଚାର ହୋଇଥିଲା । ଋଷଭ ଧୀରେଧୀରେ ସୁସ୍ଥ ହେଉଥିବାବେଳେ କେବେ ମଇଦାନକୁ ଫେରି ନିଜ ଜଲୱା ଦେଖାଇବେ ସେ ନେଇ କ୍ରିକେଟପ୍ରେମୀଙ୍କ ମନରେ ପ୍ରବଳ ଉତ୍କଣ୍ଠା ଭରି ରହିଛି ।
