ସ୍ଥାୟୀ ବେଂଚ ଦାବୀରେ ଆଜି ଭୁବନେଶ୍ୱରରେ ବିକ୍ଷୋଭ
ସ୍ଥାୟୀ ବେଂଚ ଦାବୀରେ ଆଜି ଭୁବନେଶ୍ୱରରେ ବିକ୍ଷୋଭ
admin
1883
ଭୁବନେଶ୍ୱର: ବଲାଙ୍ଗୀରେ ହାଇକୋର୍ଟ ସ୍ଥାୟୀ ବେଂଚ ପ୍ରତିଷ୍ଟା ଦାବୀରେ ଆଜି ଭୁବନେଶ୍ୱରରେ ବିକ୍ଷୋଭ ପ୍ରଦର୍ଶନ କରାଯାଉଛି । କ୍ରିୟାନୁଷ୍ଠାନ କମିଟି ଓ ଓକିଲ ସଂଘ ବିଶାଳ ବିଧାନସଭା ଆଡ଼କୁ ଶୋଭାଯାତ୍ରାରେ ବାହାରିଛନ୍ତି ।
ସୂଚନାନୁସାରେ, ଦୀର୍ଘଦିନରୁ ଓକିଲ ସଂଘ ବଲାଙ୍ଗୀରରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ପାଇଁ ଦାବୀ କରାଯାଉଥିଲେ ମଧ୍ୟ ଆଜି ଯାଏଁ ସୁଫଳ ମିଳିନାହିଁ । ଆଜି କ୍ରିୟାନୁଷ୍ଠାନ କମିଟି ଓ ଓକିଲ ସଂଘ ପକ୍ଷରୁ ରାଜଧାନୀ ଭୁବନେଶ୍ୱରସ୍ଥିତ ଲୋୟର ପିଏମଜିରେ ଧାରଣା ଦିଆଯାଇଛି । ଏହା ସହ ମାଷ୍ଟରକ୍ୟାଣ୍ଟିନ ଠାରୁ ବିଧାନସଭା ଆଡ଼କୁ ସଭ୍ୟମାନେ ଏକ ବିଶାଳ ଶୋଭାଯାତ୍ରାରେ ବାହାରିଛନ୍ତି । ଏହା ସହ କମିଟି ସଭ୍ୟମାନେ ସରକାରଙ୍କୁ ସେମାନଙ୍କ ଦାବୀ ମାନିବାକୁ ବାଧ୍ୟ କରିଛନ୍ତି । ଏହି ଦାବୀ ପୂରଣ ନହେଲେ ଆଗାମୀ ଦିନରେ ଏହି ଆନ୍ଦୋଳନ ତୀବ୍ର ହେବ ବୋଲି ଚେତାବନୀ ଦେଇଛନ୍ତି ।
