ହ୍ୟୁଣ୍ଡାଇର ନୂଆ ଏସୟୁଭି ‘ଭେନ୍ୟୁ’ର ବଜାର ପ୍ରବେଶ
ହ୍ୟୁଣ୍ଡାଇର ନୂଆ ଏସୟୁଭି ‘ଭେନ୍ୟୁ’ର ବଜାର ପ୍ରବେଶ
admin
3415
ଭୁବନେଶ୍ୱର: ହ୍ୟୁଣ୍ଡାଇ ମୋଟର ଇଣ୍ଡିଆ ଲି. ପକ୍ଷରୁ ଦେଶର ପ୍ରଥମ ସମ୍ପୂର୍ଣ୍ଣ କନେକ୍ଟେଡ ଏସୟୁଭି ହ୍ୟୁଣ୍ଡାଇ ଭେନ୍ୟୁର ବଜାର ପ୍ରବେଶ ହୋଇଯାଇଛି । ଏହି ଅବସରରେ ମତ ରଖି କମ୍ପାନୀର ପରିଚାଳନା ନିର୍ଦେଶକ ତଥା ମୁଖ୍ୟ କାର୍ୟ୍ୟନିର୍ବାହୀ ଅଧିକାରୀ ଏସଏସ କିମ କହିଛନ୍ତି ଯେ ହ୍ୟୁଣ୍ଡାଇ ଭେନ୍ୟୁ ବିଶ୍ୱସ୍ତରୀୟ ବ୍ଳୁ ଲିଙ୍କ କୌଶଳକୁ ନେଇ ବିକଶିତ ହୋଇଥିବା ଏକ ଯାନ । ଭାରତୀୟ ବଜାର ହ୍ୟୁଣ୍ଡାଇର ଏହି ବିଶ୍ୱସ୍ତରୀୟ ଏକ ଯୋଜନାବଦ୍ଧ ବିକାଶକୁ ଉନ୍ମୋଚ୍ଚନ କରି ଆମର ଶକ୍ତିଶାଳୀତାକୁ ତଥା ପ୍ରତିଶ୍ରୁତିବଦ୍ଧତାକୁ ଦୃଢତାର ସହିତ ମୁକାବିଲା କରିପାରିଥିବାରୁ ଆମେ ଗ୍ରାହକଙ୍କୁ ସମସ୍ତ ଖୁସିଦେବା ପାଇଁ ପ୍ରତିଜ୍ଞାବଦ୍ଧ । ହ୍ୟୁଣ୍ଡାଇ ଭେନ୍ୟୁ ଭାରତୀୟ ଯୁବକମାନଙ୍କ ମଧ୍ୟରେ ଯେଉଁମାନେ କି ଭବିଷ୍ୟତ ଜ୍ଞାନକୌଶଳ ପାଇଁ ସବୁବେଳେ ସଚେତନ ସେମାନଙ୍କୁ ଏକ ଆରାମଦାୟକ, ନିରାପଦ,ବ୍ୟକ୍ତି ତଥା କାର୍ୟ୍ୟ ପରିବେଶ ମଧ୍ୟରେ ସମ୍ପର୍କରେ ଏକ ନୂତନ ଅଧ୍ୟାୟ ସୃଷ୍ଟି କରିପାରିବ । ଏଥିରେ ରହିଛି ଦେଶୀୟ ଜ୍ଞାନକୌଶଳରେ ନିର୍ମିତ ୭ ସ୍ପିଡଯୁକ୍ତ ଆଧୁନିକ ଡୁଆଲ କ୍ଳଜ ଟ୍ରାନ୍ସମିସନ ଜ୍ଞାନକୌଶଳ । ଏହା କାପ୍ପା ୧.୦ ଟର୍ବୋ ଡିଜିଆଇ ପେଟ୍ରୋଲ ଇଞ୍ଜିନଯୁକ୍ତ । ଆଦିତ୍ୟ ହୁଣ୍ଡାଇଠାରେ ଅନୁଷ୍ଠିତ ବଜାର ପ୍ରବେଶ କାର୍ୟ୍ୟକ୍ରମରେ ଏନଡି ଆଦିତ୍ୟ ପାତ୍ର, ଚଳଚ୍ଚିତ୍ର ନିର୍ମାତା ଅନାମ ଚରଣ ସାହୁ ଏବଂ ସହକାରୀ ଉପସଭାପତି ହରମୋହନ ମହାନ୍ତି ଉପସ୍ଥିତ ଥିଲେ ।
