୩ ପ୍ରାର୍ଥୀ ବଦଳାଇଲା କଂଗ୍ରେସ

Apr 4, 2019 - 11:16 Updated: Apr 4, 2019 - 11:16

2211

ଭୁବନେଶ୍ୱର : ଶେଷ ମୁହୂର୍ତ୍ତରେ ପ୍ରାର୍ଥୀ ବଦଳାଇଛି କଂଗ୍ରେସ। ୩ଟି ସ୍ଥାନରୁ ଦଳ ନିଜର ପ୍ରାର୍ଥୀରେ ପରିବର୍ତ୍ତନ କରିଛି। ଏଥିରେ କେନ୍ଦୁଝର ଲୋକ ସଭା ଓ ୨ ବିଧାନସଭା ରହିଛି। କେନ୍ଦୁଝର ଲୋକ ସଭା ନିମନ୍ତେ ପୂର୍ବରୁ ଦଳ ଫକୀର ନାୟକଙ୍କୁ ଟିକେଟ ଦେଇଥିଲା। ମାତ୍ର ଏବେ ଏଥିରେ ଦଳ ପରିବର୍ତ୍ତନ କରିଛି। ତାଙ୍କ ସ୍ଥାନରେ ମୋହନ ହେମ୍ବ୍ରମ୍‌ଙ୍କୁ ସୁଯୋଗ ମିଳିଛି। ତେବେ ମୋହନ ତେଲକୋଇ ବିଧାନସଭା ଟିକେଟ ପାଇଥିଲେ। ସେ ଲୋକ ସଭାରୁ ଲଢ଼ିବା ଯୋଗୁ ଉକ୍ତ ବିଧାନସଭା କ୍ଷେତ୍ରରୁ ପ୍ରଶାନ୍ତ ଦଳାଇ ଲଢ଼ିବେ ବୋଲି ଜଣାପଡ଼ିଛି। ସେହିଭଳି ପାଟଣା ବିଧାନସଭା ଆସନରୁ ଗୋପେଶ୍ୱର ନାଏକଙ୍କ ସ୍ଥାନରେ ବିନୋଦ ନାଏକଙ୍କୁ ଚୟନ କରାଯାଇଛି। ଗୁରୁବାର ନାମାଙ୍କନପତ୍ର ଦାଖଲର ଶେଷ ଦିନ ହୋଇଥିବାରୁ ସମସ୍ତେ ତରବରିଆ ଭାବେ ପ୍ରାର୍ଥୀପତ୍ର ଦାଖଲ କରିଥିବା ଜଣାପଡ଼ିଛି।