ଅର୍ଥନୀତି ପୁନରୁଦ୍ଧାର ପ୍ୟାକେଜ ଘୋଷଣା କଲେ ମୁଖ୍ୟମନ୍ତ୍ରୀ
ଅର୍ଥନୀତି ପୁନରୁଦ୍ଧାର ପ୍ୟାକେଜ ଘୋଷଣା କଲେ ମୁଖ୍ୟମନ୍ତ୍ରୀ
admin
2706
ଭୁବନେଶ୍ୱର :କରୋନାରେ କ୍ଷତିଗ୍ରସ୍ତ ଗ୍ରାମୀଣ ଅର୍ଥନୀତିର ପୁନରୁଦ୍ଧାର ପାଇଁ ପ୍ୟାକେଜ୍ । କୋଭିହ୍ - ୧୯ ସହାୟତା ପ୍ୟାକେଜ୍କୁ ଅନୁମୋଦନ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଗ୍ରାମାଞ୍ଚଳରେ ରହୁଥିବା ଗରିବ ଓ ଅତିଗରିବ ପରିବାର ତଥା ପ୍ରବାସୀଙ୍କ ପାଇଁ ପ୍ୟାକେଜ ଘୋଷଣା କରାଯାଇଛି । ଜୀବିକା ବିକାଶ ପାଇଁ ୪ଟି ସ୍ୱତନ୍ତ୍ର ଆର୍ଥିକ ପ୍ୟାକେଜ୍ ବ୍ୟବସ୍ଥା ହୋଇଛି । ଏହି କ୍ରମରେ ଅଣୁ ଓ କ୍ଷୁଦ୍ର ଉଦ୍ୟୋଗର ବିକାଶ ପାଇଁ ୫୦ହଜାର ଋଣର ବ୍ୟବସ୍ଥା ହୋଇଛି । ଏହି ପ୍ୟାକେଜ୍ରେ ସ୍ୱୟଂ ସହାୟକ ଗୋଷ୍ଠୀର ସଭ୍ୟାଙ୍କ ପରିବାର ସଦସ୍ୟ କୃଷି ଓ ଅଣକୃଷି ଉଦ୍ୟୋଗର ବିକାଶ ପାଇଁ ଋଣ ନେଇପାରିବେ । ସେହିପରି କୃଷି, ଅଣକୃଷି କ୍ଷେତ୍ରେ ଗଠିତ ଗୋଷ୍ଠୀଙ୍କୁ ଦେଢ ଲକ୍ଷ ଟଙ୍କା ପର୍ୟ୍ୟନ୍ତ ଋଣ ରାଶି ଯୋଗାଇ ଦିଆଯିବାର ସୂଚନା ରହିଛି । ଏହି ପ୍ୟାକଜେ୍ ଜରିଆରେ ୬ ମାସରୁ ଊର୍ଦ୍ଧ୍ୱ ଉଦ୍ୟୋଗ ଗୋଷ୍ଠୀ ଏବଂ ଏକ ବର୍ଷରୁ ଊର୍ଦ୍ଧ୍ୱ ଉତ୍ପାଦକ ଗୋଷ୍ଠୀ ଋଣ ନେଇପାରିବେ । ଅତିଗରିବ କିମ୍ବା ଅସହାୟ ପରିବାରର ଦ୍ୱାରା ପରିଚାଳିତ ଉଦ୍ୟୋଗ ତଥା ଜୀବିକା ଉନ୍ନତି ପାଇଁ ୨୦ହଜାର ଟଙ୍କା ପର୍ୟ୍ୟନ୍ତ ଋଣ ନେଇପାରିବେ । ଏହି ସ୍ବତନ୍ତ୍ର ପ୍ୟାକେଜ୍ରେ ରାଜ୍ୟକୁ ଫେରିଥିବା କୁଶଳୀ ଓ ଅର୍ଦ୍ଧକୁଶଳୀ ପ୍ରବାସୀଙ୍କ ମଧ୍ୟ ବ୍ୟବସ୍ଥା ରହିଛି । ଏହି କ୍ରମରେ ପ୍ରବାସୀ ଫେରନ୍ତାଙ୍କ ଦ୍ୱାରା ଉଦ୍ୟୋଗର ଆରମ୍ଭ ପାଇଁ ୧ ଲକ୍ଷ ଟଙ୍କା ପର୍ୟ୍ୟନ୍ତ ଋଣ ରାଶି ଦିଆଯିବ ।
