କର୍ଣ୍ଣାଟକ ବିଧାୟକ ନାଗରାଜଙ୍କ ସମ୍ପତ୍ତି : ୧୮ ମାସରେ ୧୮୫ କୋଟି ବୃଦ୍ଧି
କର୍ଣ୍ଣାଟକ ବିଧାୟକ ନାଗରାଜଙ୍କ ସମ୍ପତ୍ତି : ୧୮ ମାସରେ ୧୮୫ କୋଟି ବୃଦ୍ଧି
admin
4983
ବେଙ୍ଗାଲୁରୁ: ଗତ ୧୮ ମାସ ମଧ୍ୟରେ କର୍ଣ୍ଣାଟକ ହୋସକୋଟ ଆସନରୁ ବିଜେପି ଟିକେଟ ବିଧାନସଭା ନିର୍ବାଚନ ଲଢ଼ୁଥିବା ନେତା ଏମଟିବି ନାଗରାଜଙ୍କ ସମ୍ପତ୍ତିର ପରିମାଣରେ ୧୮୫ କୋଟି ଟଙ୍କାର ବୃଦ୍ଧି ଘଟିଛି । ସେ ନିର୍ବାଚନ କମିଶନଙ୍କ ନିକଟରେ ଦାଖଲ କରିଥିବା ଏକ ସତ୍ୟପାଠରୁ ଏହା ଜଣାପଡ଼ୁଛି । ସତ୍ୟପାଠ ମୁତାବକ, ନାଗରାଜ ଏବଂ ତାଙ୍କ ପତ୍ନୀଙ୍କ ନିକଟରେ ବର୍ତ୍ତମାନ ୧୨୦୦ କୋଟି ଟଙ୍କାର ସମ୍ପତ୍ତି ରହିଛି । ୧୮ ମାସ ପୂର୍ବେ ହୋଇଥିବା ବିଧାନସଭା ନିର୍ବାଚନ ନିମନ୍ତେ ସେ ଦାଖଲ କରିଥିବା ସତ୍ୟପାଠରେ ତାଙ୍କ ପାଖରେ ୧୦୧୫ କୋଟି ଟଙ୍କାର ସମ୍ପତ୍ତି ଥିବାର ଦର୍ଶାଯାଇଥିଲା । ଉଲ୍ଲେଖଯୋଗ୍ୟ ନାଗରାଜ ପୂର୍ବରୁ କଂଗ୍ରେସ ବିଧାୟକ ଥିଲେ । ପୂର୍ବତନ ବାଚସ୍ପତିଙ୍କ ଦ୍ୱାରା ସେ ଅଯୋଗ୍ୟ ଘୋଷିତ ହେବା ପରେ ତାଙ୍କ ଆସନରେ ପୁଣି ଥରେ ଉପନିର୍ବାଚନ ଅନୁଷ୍ଠିତ ହେଉଛି । ଏଥର ବିଜେପି ଟିକେଟରେ ସେ ହୋସକୋର୍ଟ ଆସନରୁ ନିର୍ବାଚନ ଲଢ଼ୁଛନ୍ତି ।
