ଜଳିଗଲା ବସ୍ , ବର୍ତିଲେ ଓଡିଆ ଶ୍ରମିକ
ଜଳିଗଲା ବସ୍ , ବର୍ତିଲେ ଓଡିଆ ଶ୍ରମିକ
admin
1788
ବିଶାଖାପାଟଣା : ଓଡିଆ ଶ୍ରମିକଙ୍କୁ ନେଇ ଯାଉଥିବା ଏକ ବସରେ ନିଅାଁ ଲାଗିଯିବାରୁ ବସଟି ଜଳିଯାଇଛି । ବସଟିର ଅଧିକାଂଶ ଅଂଶ ଜଳିଯାଇଛି ।
ମିଳିଥିବା ସୂଚନା ଅନୁଯାୟୀ, ସର୍ଟ ସର୍କିଟ ଯୋଗୁଁ ବସରେ ନିଆଁ ଲାଗିଥିବା ଜଣାପଡିଛି । ବିଶାଖାପାଟଣା ପାଇକରାଓପେଟା ନିକଟସ୍ଥ ଏନ୍ଏଚ୍ ୫ରେ ଏହି ଅଘଟଣ ଘଟିଥିଲା । ତେବେ ଯାହାକୁ ରଖିବେ ଅନନ୍ତ, କି କରିପାରେ ବଳବନ୍ତ ଭଳି ଭଗବାନଙ୍କ ଆଶୀର୍ବାଦରୁ ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇଛି । ବସ୍ରେ ଡ୍ରାଇଭର ଓ ହେଲପରଙ୍କ ସହ ୩୨ଜଣ ଯାତ୍ରୀ ଥିବା ସୂଚନା ମିଳିଛି ।
ବସଟି ରାଜମୁନେ୍ଦ୍ରରୁ ପାୟାକାରାପେଟ ୱାଇ ଜଙ୍କସନ ଆଡ଼କୁ ଯାଇଥିଲା । ବସରେ ନିଅାଁ ଲାଗିଯିବା ଫଳରେ ପ୍ରବଳ ଧୂଅାଁ ହୋଇଥିଲା । ଡ୍ରାଇଭର ଜଣଙ୍କ ବିପଦର ଆଶଙ୍କା କରି ତୁରନ୍ତ ବସଟିକୁ ଠିଆ କରିଦେଇଥିଲେ । ପରେପରେ ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇଥିଲା । ସେଠାରେ ତୁରନ୍ତ ଅଗ୍ନିଶମ ବାହିନୀ ପହଁଚି ନିଅାଁକୁ ଆୟତ କରିଥିଲେ ।
