ଦାମ ଚାହୁଁଥିଲେ ନବୀନ ତାଙ୍କୁ ଅଙ୍କଲ ଡାକନ୍ତୁ
ଦାମ ଚାହୁଁଥିଲେ ନବୀନ ତାଙ୍କୁ ଅଙ୍କଲ ଡାକନ୍ତୁ
admin
6659
ଭୁବନେଶ୍ୱର : ପ୍ୟାରୀମୋହନ ମହାପାତ୍ରଙ୍କୁ ଅଙ୍କଲ ଡାକୁଥିଲେ ନବୀନ ପଟ୍ଟନାୟକ । ତେଣୁ ତାଙ୍କୁ ମଧ୍ୟ ନବୀନ ଅଙ୍କଲ ଡାକନ୍ତୁ ବୋଲି ଦାମ ଚାହୁଁଥିଲେ । ଏକଥା ଆଉ କେହି ନୁହେଁ ଦାମଙ୍କ ସାନଭାଇ ଡାକ୍ତର ବାମଦେବ ରାଉତ କହିଛନ୍ତି ।
ଡାକ୍ତର ବାମଦେବ ରାଉତ କହିଥିଲେଯେ, ସେ ଛାତ୍ର ଜୀବନରୁ ରାଜନୀତିରେ ଅଛନ୍ତି । ଡକ୍ଟର ହରେକୃଷ୍ଣ ମହତାବ, ଆରଏନ ସିଂହଦେଓ ଓ ବିଜୁବାବୁଙ୍କ ସହ ଜଡିତ ଥିଲେ । ନବୀନ ବାବୁଙ୍କ ସହ ମଧ୍ୟ ବହୁ ଘନିଷ୍ଠ ଥିଲି । ମୋ ଭାଇ ଦାମୋଦର ରାଉତଙ୍କର ଦୂରଦୃଷ୍ଟି କି ଷଡ଼ଯନ୍ତ୍ର ପାଇଁ ହେଉ ୨୦୧୨ରେ ମୁଁ ବିଜେଡିରୁ ନିଲମ୍ବିତ ହୋଇଛି ବୋଲି ଟିଭିରେ ସ୍କ୍ରୋଲିଂ ବାହାରିଲା । ମୁଁ ଯାଇ ଭାଇଙ୍କ ପାଖରେ ପହଁଚିଲି । ବାମ ଭାଇଙ୍କୁ କାହିଁକି ଦଳରୁ ନିଲମ୍ବନ କରାଗଲା ବୋଲି କର୍ମୀ ପଚାରିଲେ । ହେଲେ ଭାଇ କହିଲେ, ସେ କେବେ ବିଜେଡିକୁ ଆସିଲା ମୁଁ ତ ଜାଣିନାହିଁ । ସେ ଦଳରେ କ’ଣ କେଂଚି ପକାଉଥିଲା ବୋଲି କହିଥିଲେ । ସେ ନିଜକୁ ବହୁତ ଜ୍ଞାନୀ ଭାବନ୍ତି । ସମସ୍ତେ ତାଙ୍କ ଠାରୁ ପରାମର୍ଶ ନିଅନ୍ତୁ ବୋଲି ଦାମ ଚାହୁଁଥିବା ତାଙ୍କ ଭାଇ କହିଛନ୍ତି ।
ଅପରପକ୍ଷରେ ବାମ ପୂର୍ବରୁ ବିଜେପିରେ ଥିଲେ । କିନ୍ତୁ ଏବେ ବିଜେଡ଼ି ଟିକେଟ ପାଇଁ ବି ଆଶାୟୀ ଅଛନ୍ତି । ଦାମ ବାଲିକୁଦା-ଏରସମାରୁ ଲଢ଼ିବାକୁ ଚାହୁଁଥିବାବେଳେ ତାଙ୍କ ବିପକ୍ଷରେ ପ୍ରାର୍ଥୀ ହେବା ପାଇଁ ବାମ ମଧ୍ୟ ଆଗ୍ରହୀ ଅଛନ୍ତି । ତେବେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ କାହା ପ୍ରାର୍ଥୀ କରୁଛନ୍ତି ଖୁବଶୀଘ୍ର ସ୍ପଷ୍ଟ ହୋଇଯିବ ।
