ପାକିସ୍ଥାନରେ ଅଟା କିଲୋ ୮୦,ମହଙ୍ଗାମାଡରେ ଜନଜୀବନ ଅସ୍ତବ୍ୟସ୍ତ
ପାକିସ୍ଥାନରେ ଅଟା କିଲୋ ୮୦,ମହଙ୍ଗାମାଡରେ ଜନଜୀବନ ଅସ୍ତବ୍ୟସ୍ତ
admin
2628
ଇସଲମାବାଦ - ପାକିସ୍ତାନରେ ଏବେ ଅଟା କିଲୋ ସର୍ବକାଳୀନ ରେକର୍ଡ ଭଙ୍ଗ କରି ୮୦ ଟଙ୍କାରେ ପହଞ୍ଚିଛି । ଅଟା ଦର ବୃଦ୍ଧି ଯୋଗୁଁ ବିଭିନ୍ନ ହୋଟେଲରେ ରୁଟି ଖଣ୍ଡ ୧୨ ଟଙ୍କାରେ ବିକି୍ର ହେଉଛି । ଦେଶର ବେଲୁଚିସ୍ଥାନ, ସିନ୍ଧ, ପଞ୍ଜାବ ଓ ଖାଇବର ପାଖତୁନ ପ୍ରଦେଶରେ ଜନସାଧାରଣଙ୍କ ମୁଖ୍ୟ ଖାଦ୍ୟ ହେଉଛି ରୁଟି, ଚପାତି ଓ ନାନ୍ । ଅଟାର ଦର ଅହେତୁକ ବୃଦ୍ଧି ଯୋଗୁଁ ଏହି ସବୁ ପ୍ରଦେଶର ଲୋକେ ଏବେ ଭାତ ଖାଇବାକୁ ବାଧ୍ୟ ହେଉଛନ୍ତି । ହେଲେ ପାକିସ୍ତାନ ସରକାର କହୁଛନ୍ତି, ଡିସେମ୍ବର ଓ ଜାନୁଆରୀ ମାସରେ ଲୋକମାନେ ଅଧିକ ରୁଟି ଖାଉଥିବାରୁ ଅଟା ଦର ବଢ଼ିଛି ।
ସୂଚନା ଯୋଗ୍ୟ ଗତ ମାସରେ ପେଟ୍ରୋଲ ଦରବୃଦ୍ଧି ପ୍ରତିବାଦରେ ଦେଶର ପରିବହନ କର୍ମଚାରୀମାନେ ବିକ୍ଷୋଭ କରିଥିଲେ । ଏହା ଯୋଗୁଁ ଅଟା ଓ ଗହମ ଆମାଦାନୀ ବାଧାପ୍ରାପ୍ତ ହୋଇଥିଲା । ଏହା ବ୍ୟତୀତ ପାକିସ୍ତାନର ୨ ଗହମ ଉପôାଦନକାରୀ ପଞ୍ଜାବ ଓ ଖାଇବର ପାଖତୁନ ପ୍ରଦେଶର ସରକାର ପରସ୍ପର ବିରୋଧୀ ଆଭିମୁଖ୍ୟ ଯୋଗୁଁ ଅଟା ଯୋଗାଣ ବାଧା ପ୍ରାପ୍ତ ହୋଇଥିବା କୁହାଯାଇଛି ।
ଅନ୍ୟ ପକ୍ଷରେ ଏହି ଦୁଇ ରାଜ୍ୟ ସରକାର ପଡେ଼ାଶୀ ଆଫଗାନିସ୍ତାନକୁ ୩୦ ହଜାର କ୍ୱିଣ୍ଟାଲ ଅଟା କଳାବଜାରରେ ବିକି୍ର କରିଥିବା ଅଭିଯୋଗ ହୋଇଛି । ଏହି ସବୁ କାରଣରୁ ଦେଶରେ ଅଟାର ଅହେତୁକ ଦର ବୃଦ୍ଧି ହୋଇଥିବା କୁହାଯାଇଛି ।
