ବରଯାତ୍ରୀ ଗାଡ଼ି ଦୁର୍ଘଟଣା ଗ୍ରସ୍ତ, ୩ ମୃତ
ବରଯାତ୍ରୀ ଗାଡ଼ି ଦୁର୍ଘଟଣା ଗ୍ରସ୍ତ, ୩ ମୃତ
admin
3121
ସିନାପାଲି: ନୂଆପଡ଼ା ଜିଲ୍ଲା ସିନାପାଲି ଥାନା ଟିମନପୁର ଗ୍ରାମ ନିକଟରେ ରାତିରେ ଏକ ସ୍କ୍ରର୍ପିଓ ଭାରସାମ୍ୟ ହରାଇ ଓଲଟି ପଡ଼ିବାରୁ ୩ ଜଣଙ୍କ ମୃତୁ୍ୟ ଘଟିଛି । ମୃତକଙ୍କ ମଧ୍ୟରେ ଶଳା-ଭିଣୋଇ ଓ ଡ୍ରାଇଭର ଥିବା ଜଣାପଡ଼ିଛି । ରାଜପୁର ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଶୁକ୍ରବାର ଦିନ ବୋଡେନ ଥାନା ରାଜପୁର ଗ୍ରାମର ତି୍ରନାଥ ବାଗଙ୍କ ପୁଅ ସୋମନାଥଙ୍କ ବାହାଘର ପାଇଁ ସିନାପାଲି ଥାନା ହଳଦିମୁଣ୍ଡା ଗ୍ରାମକୁ ବରଯାତ୍ରୀ ଯାଇଥିଲେ । ବରଯାତ୍ରୀରେ ବିନପୁର ଗ୍ରାମର କଲ୍ୟଶଣ ବାଗ (୨୫ ଓ ଲକ୍ଷ୍ମଣ ବାଗ (୧୮) ଙ୍କ ମଧ୍ୟ ଯାଇଥିଲେ । ହଳଦିମୁଣ୍ଡାରୁ ରାତିରେ ବିବାହ କାର୍ଯ୍ୟ ସାରି ଏକ ସ୍କର୍ପିଓ (ଓଡି ୨୬-୦୩୦୩) ରେ ଫେରୁଥିବା ବେଳେ ଟିମନପୁର ଗ୍ରାମ ନିକଟରେ ଗାଡ଼ିଟି ଭାରସାମ୍ୟ ହରାଇ ଏକ ପଥର ଉପରକୁ ଚଢ଼ିଯିବା ସହ ରାସ୍ତା ତଳକୁ ଓଲଟି ପଡ଼ିଥିଲା । ଗାଡ଼ିରେ ୮ ଜଣ ଥିବା ବେଳେ କଲ୍ୟାଣ ବାଗଙ୍କ ଘଟଣା ସ୍ଥଳରେ ମୃତୁ୍ୟ ହୋଇଥିଲା । ଅନ୍ୟମାନଙ୍କୁ ଆମ୍ବୁଲାନ୍ସରେ ଖଡ଼ିଆଳ ଡାକ୍ତରଖାନାକୁ ନିଆଯାଉଥିବାେ ବେଳେ ଲକ୍ଷ୍ମଣଙ୍କ ରାସ୍ତାରେ ମୃତୁ୍ୟ ହୋଇଥିଲା । ସେହିପରି ଗୁୁରୁତର ଥିବା ଗାଡିର ଡ୍ରାଇଭରଙ୍କୁ ଚିକିତ୍ସା ପାଇଁ ରାୟପୁର ପଠାଯାଇଥିବା ବେଳେ ସେଠାରେ ତାଙ୍କର ମୃତୁ୍ୟ ହୋଇଛି ।
